蓮子黑糯米渣咋

        食甜嘢果然可以反映到我自己嘅情緒變化，有食藥、無食藥、落藥重、落藥輕都即刻睇得到！

 

        又要懶，又想食甜嘢，煲渣咋就最啱喇，洗乾淨哂所有材料，用清水浸過夜，第二日撻火煲腍就食得，完全無功夫可言！

 

 

材料：
薏米
紅豆
眉豆
紅腰豆
三角豆
黑糯米
蓮子
片糖
椰漿

- 所有材料洗乾淨，用清水浸過夜，第二日瀝水備用；蓮子去芯。

- 煲滾水後落料，翻滾後轉中慢火煲至所有材料腍即可。

- 片糖加少量水煮至完全溶解，倒入雜豆內，拌勻。

- 上碗後加適量椰漿調味。

 

 

Notes：
- 因為溫差大嘅關係，水滾後先落豆會比較容易將豆煲腍。

- 若果糖跟豆同煮的話，豆會有機會煲唔腍，所以糖水適宜後下。