年尾時「AEON」超市又做九折，我當然有去入貨啦！今次買多咗一樣我估都估唔到嘅食材 ……
就係呢包高野豆腐，我呢個大鄉里諗都無諗過有乾豆腐呢樣野！
有咗佢就隨時隨地都有豆腐食。未折前 $24 包，有 12 件，
都好似好貴，但係原來浸發之後都幾大嚿，都差唔多有
平時喺街市豆腐檔賣 $3 件豆腐嘅 2/3 size，
而且豆香味比起盒裝豆腐濃好多。
早排喺我去開嗰間糧油批發店度聽到個店員介紹人食呢隻紫菜，
話又乾淨又爽脆，我聽見當然都唔執輸買嚟試啦，
果然真係又滑又爽脆，最重要係完全
無砂石，真係好乾淨。
就用咗呢兩樣食材，加埋鰹魚味噌嚟整麵豉湯，加幾條菜
就已經有湯有餸喇！估唔到豆腐都好滑喎，仲
以為乾豆腐煮完之後都嫩滑極有限㖭！
我都想試下呢個豆腐，好似好方便又好味道呢~~
回覆刪除我覺得唔錯呀，比想象中好好多，最緊要係方便，隨時有豆腐食！
刪除依家好多地方出的紫菜都無沙。除左大陸。
回覆刪除係呀，不過多數都係夠滑，唔夠爽脆。
刪除幾好喎，您有冇試過用嚟整包餅，得唔得呀？
回覆刪除妳意思係用高野豆腐整包餅？
刪除係呀。
刪除咁我又無諗過喎，不過我估效果應該無新鮮豆腐咁好。
刪除想試下個豆腐呢，真係好方便，可以買定放係屋企随時煮呀~~
回覆刪除係囉，就係貪佢可以長期放屋企看門口囉！
刪除妳都不妨豪一次試試啦！
大鄉里我都係喎,有我陪你啦.未見識過呢件豆腐,呢個紫菜咁正呀,無沙好重要呢.美味的美味的~~
回覆刪除哈哈，原來我同妳都係來自同一條鄉喎！
刪除係呀，咪又係賣紅麴的批發店度買囉！本來妳入屯門時就一定陪妳去睇睇！
一定有機會到訪......到時一次買番夠本
刪除係啦，買到無手拎返屋企！
刪除包紫菜都喺aeon買架?
回覆刪除上次我用嗰隻紫菜好似有潺咁 好恐怖
唔係呀，係一間糧油批發食材店度買，不過我估其他地方都應該會有得賣。
刪除嘩，咁恐怖！？
我試過買乾豆腐，浸泡完是發到大大，但我買的那隻不好吃，仲有D怪怪地...
回覆刪除下次試妳這一隻^^
點怪法呢？
刪除我覺得 OK 喎，比想象中好好多，可能係我對食物無要求啦！
食落唔似豆腐，似食緊海棉，可能係我買果隻唔好食啦...+.+
刪除會唔會係未浸發得夠呢？我呢隻剛浸水時都係好似海綿咁質地，仲榨到水出，之後再浸耐先先就軟好多，同埋我煮時放咗落湯度就無理佢，可能煮過龍先咁滑！！^^
刪除你忙到仲未有新制作比我睇呀?想睇下你同Winnie整左乜呀?
回覆刪除唔係忙，係天氣凍唔願郁兼唔想濕手洗嘢！今日天氣暖好多，即刻試整咗個無奶蛋素食蛋糕同麵包。
刪除