全麥罌粟籽餐包

       早排咁鬼凍，真係完全唔想郁，更加唔想濕手洗嘢，所以不事生產咗一排，見噚日天氣暖番好多，即刻開爐，除咗整蛋糕之外，仲整埋麵包㖭！

 

       今次終於成功做到呢款造型，之前其實都試整過幾次，但次次都失敗，麵糰之間硬係有虛位，後來 blog 友 Allie 話我知原來一定要放入個模度發酵先得，可能係要迫住個麵糰向內發展，唔可以向外肆無忌憚咁膨脹啦！

 

 

今次終於成功喇！不過罌粟籽就分佈得

唔係好均勻，好樣衰！



 
 
 
 
 
 

我用咗個 mousse ring 嚟整，內則圍上牛油紙，

底就墊咗入爐防黐蓆。

 

跟手清埋雪櫃個牛油果同煙三文魚先！

 

 

 

食譜請參考《香草番茄全麥包》。