2014年2月3日星期一

薑味杏仁曲奇 Ginger Almond Cookies

        係呀,又整曲奇喇!呢次都係用嚟送禮。早前同葉太喺餐廳食 tea 時,佢叫咗杯類似叫做薑汁奶茶物體,我問佢好唔好飲,佢話好正,好夠薑味,咁我就知道佢原來好鍾意薑,所以特別整咗呢個薑味曲奇,趁佢返加拿大之前送俾佢兼同佢拜年。
 
        今次參考 Tony Wong 個朱古力杏仁曲奇食譜嚟整,效果都唔錯,質地鬆脆,但我自己就略嫌薑味唔多夠,薑粉用量都仲可以再增加。
 
 

材料:
牛油                 75
黃糖                 40
白糖                 35
蛋液                 25
雲呢嗱精油      少許
杏仁片             50
低筋麵粉
         150
薑粉                 2 茶匙


- 牛油空溫放軟,加糖攪拌至鬆身成牛油霜。

- 蛋液同逐少加入牛油霜內,拌勻後加雲呢嗱精油,再拌入杏仁片。

- 粉類過篩 3 次,然後加入混合物內,用膠刮攪拌成糰。

- 用手將麵糰略為做成條狀,用牛油紙包好,之後再慢慢做形成長方條狀。

- 放入冰格雪約一個鐘至硬身後,拎出切片。

- 將切片麵糰排放喺已鋪牛油紙嘅烤盤上。

- 放入已預熱至 170 嘅焗爐內,焗約 15 - 20 分鐘至完全金黃。

- 出爐略為冷卻後移到架上攤凍。

以上材料份量可做 4 X 4.5 25 件。
 

 
好耐之前見過 Ernest 媽咪整曲奇時用個錫紙盒嚟將麵糰定形,
今次我都試試呢個方法,真係比較容易整到四正方角,
不過我自己手藝唔夠好,始終都仲係差啲!
 





焗緊嘅時候已經聞到香濃薑味,點知食落口就無乜味道,
心知不妙!後尾食食吓就越食越薑、越食越辣!






Notes
-
黃糖可全用白糖代替,用黃糖可令顏色更加金黃,且帶有更加香的味道。

- 薑粉用量可隨個人口味增減。
 
- 用膠刮攪拌麵糰時切忌太用力及攪拌過度,否則曲奇質地變得過實過硬。

14 則留言:

  1. 回覆
    1. 哈哈,妳又係咁講,我由細到大個個都係咁話我!

      其實我都唔係好知咩叫細心,我只係跟自己作風處事,不過一直身邊人都係咁講,我至知道自己做事比一般人細心。

      刪除
  2. Kestrel新年愉快,你在新一年,頭痛痊癒,煩惱事遠離.幸福滿門.
    四方面糰,我都整得唔好,但練多幾次就會成功,你一定可以.

    回覆刪除
    回覆
    1. 緊張大師,多謝妳嘅祝福,希望承妳貴言啦!

      查實我做憎整曲奇,又煩又肥膩,不過要拎出街送人就迫住要整,因為夠乾身,方便携帶之餘又唔易變壞!

      刪除
  3. 你好細心呀~收到你嘅曲奇一定好開心^^

    回覆刪除
    回覆
    1. 哈哈,多謝妳呀!

      連妳都話我細心呀!妳睇番上面我對 samwei 嘅回應呀!

      刪除
  4. 靚餅呀,祝新春大吉,事事如意

    回覆刪除
    回覆
    1. 多謝 Moon 哥讚賞呀!

      我都祝你身體健康,手藝高超!

      刪除
  5. 今日春節, 祝 Kestrel 春節快樂 ! 身體健康 !

    回覆刪除
    回覆
    1. 多謝芹菜呀!不過希望妳唔好介意我咁遲先覆妳,因為早幾日無時間 check 呀! ^^"

      刪除
  6. 我都係呢句,好少男仔似您咁細心的了,做您朋友真幸福!

    回覆刪除
    回覆
    1. 哈哈,我發癲鬧人時大家未見過哦,嘻嘻! ^^

      刪除
  7. 新年快樂呀^0^ 祝你身體健康, 事事順利
    係喇, 真細心 係咪鍾意整嘢食既人都會細心啲既呢~
    我都有用保鮮紙盒定型 係一邊整得冇咁靚架

    回覆刪除
    回覆
    1. 多謝妳,王木木!

      應該唔關事喇,我都知有啲鍾意煮嘢食嘅人,一啲都唔細心!我由細到大都係咁處事,嗰陣時我都未識煮嘢食哦!

      係啦,向上嗰面真係整唔到靚喇!

      刪除