2015年11月10日星期二

橄欖油消化餅

        前排世衛公佈,加工肉類食品屬於致癌物質,其毒性相當於石棉、香煙同酒精,初時聽到報導都唔覺得好意外,但跟住聽埋落去,話牛肉、豬肉等紅肉都屬於致癌食品,呢樣就真係有 shock,話因為多攝取紅肉脂肪就會致癌。雖然我自己一向都少食,但真係估都估唔到有咁大殺傷力!查實間唔中先食一次加工醃製食品都唔會食壞人嘅,又唔係叫你日日食,都唔使話驚到要謝絕所有加工食品,我成日都話,食煙嘅人未必係肺癌死,飲酒嘅人亦唔一定會死於肝癌,正所謂該死就唔使病,食幾多著幾多都真係整定嘅!!
 
        識整西點的話就肯定知道一定會用到大量牛油,不單只口感鬆脆,仲會增加成品香味,但對我嚟講嗰種唔係香而係臊,所以我已經無用好耐,真係頂唔順佢嘅味道,而且都係屬於動物性脂肪,多食都無益。本來用 margarine 代替就最啱,臊味奶味都無,不過有反式脂肪就仲死得人多,都係盡量少用,所以我整西點盡可能都係用液體油,唔單只係麵包同 muffin,就連餅乾、批底同 scone 我都試過用液體油整,效果有時比起用牛油更加鬆脆,真係好奇怪!
 
 
最近喺超市見到有橄欖油消化餅賣,咁啱又做緊特價,$10 有
即刻買咗嚟試,個 texture 比起一般消化餅鬆脆,味道
無咁甜㖭!當然,製造商都唔會全用橄欖油去生產,
成本高好多嘛,所以其實都只係佔油脂份量
一部份,其餘部份都係繼續用番棕櫚油。
 
 
 

8 則留言:

  1. 回覆
    1. 但係從商業角度去睇,棕櫚油係最符合經濟成本囉!

      刪除
  2. 咁,真係食又C,唔食又C囉。

    回覆刪除
  3. 你說得對,但自家出品比較放心及健康

    回覆刪除
    回覆
    1. 係㗎,自己整梗係放心好多啦!不過就要自己做功夫囉!

      刪除
  4. 超同意你哩句:該死就唔使病,食幾多著幾多都真係整定嘅~
    總之均衡飲食啦,我只知道唔食我真係會死XD

    回覆刪除
    回覆
    1. "我只知道唔食我真係會死" ……… 哇哈哈哈 ~~~~~~ :D

      刪除