2016年2月7日星期日

老友的新年禮物

        聽日就係農曆大年初一,我諗家家戶戶都會好忙,忙住攪呢樣攪嗰樣,又要忙煮餐團年飯。我自己今年就相對無咁多嘢迫埋一、兩日內做,因為今年多時間量地同拍烏蠅,所以可以將啲嘢分開好幾日去預備,而且又唔使團年,又唔使 "年廿八",噚晚收工返到屋企攪掂哂就浸定少少初一煮齋要準備嘅材料,今日全部洗乾淨哂,聽朝就變相無咁多嘢要做,應該趕得切午時前上供。除此之外,今日仲整定個蛋糕聽日帶過去老表家團拜。
 
        今年收到兩位老友 LouisaErnest 媽咪送嘅新年禮物,全部都係 Louisa烘焙學校嘅出品。
 
 
 

有麵包、有蛋糕,仲有朱古力。 






呢個麵包係師傅於農曆新年嘅期間限定,
除咗因為包裝上有個 "旺字"之外 ……
 





麵包刻意設計成一個柑嘅做形,剝開 "柑皮" 之後就見到裡面
一瓣瓣 "果肉",整麵糰時係用整個柑打爛成果蓉
加入材料內,柑皮仲煮成糖漬果皮,
所以食落真係啖啖柑香㗎!
 





呢個係辣椒果仁朱古力。
 





仲有超花功夫 Maccha Opera,對於抹茶控
嚟講,淨係睇都已經開心死喇!


 

8 則留言:

  1. 個麵包好得意呀!祝你猴年行大運,身體健康^^

    回覆刪除
    回覆
    1. 係呀,老師真係好有諗頭!

      多謝妳呀艾華斯,我都祝妳身體健康、事事如意!

      刪除
  2. 個包包都好有心思! 我地農曆新年都很簡單,因為今年除夕在 weekend,我就有得 chi食咋。祝你猴年好運不斷來!

    回覆刪除
    回覆
    1. 係呀,老師真係好有諗頭!

      有得黐食都係妳有口福囉!

      多謝妳呀 samwei,我都祝妳同老爹身體健康,事事如意!

      刪除
  3. 樣樣都好獨特呀!
    Kestrel:送羊迎猴,在此恭祝您:新年勝舊!身體健康!添財訥福!萬事亨通!

    回覆刪除
    回覆
    1. 多謝妳呀小月,希望全部都可以承妳貴言啦!

      我都祝妳身體健康,事事如意!

      刪除
  4. 祝你:萬事勝意!身體健康!恭喜發財!

    回覆刪除
    回覆
    1. 多謝哂 Man Man,我都祝妳身體健康,事事如意!

      刪除