一念素食

        呢兩個禮拜超級忙碌，幾乎每日都要出街，都無乜時間可以坐低寫 blog，依家個 schedule 開始回復正常，可以慢慢寫番之前想同大家分享嘅嘢。

 

        每年嘅中秋我都會食齋，因為係十五嘛，Ernest 媽咪知我中秋要食齋，所以特別請我去咗 HKU 嘅「一念素食」食 lunch。其實自從媽咪走咗之後，咁多年嚟都好似只係試過一次中秋做節食飯，所以我已經對 "團圓" 呢個字變得好陌生，今年中秋有老友一家同我一齊食飯，我當係做節㗎喇！

  

 

 

餐廳一角擺放住出售嘅食品。

 

餐廳有兩種飲食模式，一種係自助餐形式，揀好自己想食

嘅嘢之後，再根據食物重量計價，飯同湯係任添。

另一種係形成係 set lunch，需要預先

訂位，價錢以每位計算。

 

餐廳裝修同餐具都係走簡約、樸素路線。

 

前菜係脆絲檬粉配山葵薄荷汁。

 

點心係松露水晶包。

 

呢個松茸茨實薏米燉湯超正，味道又香又濃！

 

上素紹菜卷，餡料主要係雜菌。

 

鮮菌炸豆腐，口感外脆內滑。

 

惹味叉燒串，我覺得味道略甜，不過

就真係名符其實好惹味。

 

鮮露筍炒茶樹菇。

 

頭抽炒麵，用上比賽得獎嘅頭抽去煮，不過因為我

自己一向飲食清淡，所以覺得味道略鹹。

 

合桃豆漿，但合桃味唔係好飲得出。

 

飯後甜品係桂花糕。