呢幾日去街市買餸，去到菜檔見到啲價錢牌真係嚇死，幾乎樣樣嘢都十幾蚊斤，苦瓜 $16 斤、菜芯$13/ $14 斤、絲瓜 $14 斤、連青瓜都 $12 斤，真係死得喇！！睇住個價錢都真係買唔落手，你估全部都係有機蔬菜咩！！菜檔阿姐話：「無辦法喇，大陸水浸嘛，依家啲大陸人好識要錢，有好多菜我哋都唔敢攞呀！」
我習慣十點零十一點鐘度先落街買餸，平時呢個時間靚嘢都已經賣得七七八八，但今日就多多都有得你揀，見到菜檔阿哥仲喺度將某部份唔太賣得嘅蔬菜收起，之後就聽到有個師奶話：「啲菜賣到咁貴，我哋買唔落手之餘，你哋都無生意！」唉，都唔知要捱貴菜捱到幾時，唔通日日食椰菜同蘿蔔咩！
咁攪法，真係要慳啲先至得！上星期買個南瓜，一半煲糖水，一半就用嚟燜排骨；星期日就用咗半條紅蘿蔔炒韓國粉絲，剩番嗰半條就留嚟今日整甘筍蛋糕，夠哂資源增值喇啩！
原本已經係減糖㗎喇，唔想咁甜嘛，之但係唔記得咗黑糖係相對比較濕，
應該要再減多少少，所以呢次個蛋糕偏濕，都係鍾意乾啲嘅 texture。
今次無將合桃混入麵糊裡面，就咁灑喺面，合桃就香脆得多哦！
想知道點整嗎？快啲睇番《美式甘筍蛋糕》個食譜啦！
睇落好靚喎 , 不過係咪都係香蕉蛋糕香D, 好食D ?
回覆刪除[版主回覆08/28/2013 22:00:49]如果妳整的話，最好用番黃糖喇，因為黑糖比較濕，有第一次整比較難控制用量。
期待妳的出品呀！
[芹菜回覆08/28/2013 11:57:53]我以為甘筍蛋糕淨係多D甘筍嘅纖維, 原來重有多種層次嘅香味, 等我搵日都跟你學整一個先。
[版主回覆08/27/2013 14:09:13]多謝妳呀，芹菜！
當然係香蕉蛋糕香啲啦，都有名妳叫！！
但我個人比較鍾意呢個甘筍蛋糕，因為我鍾意肉桂、豆蔻、薑粉味道呀！
大陸菜真係好貴, 去超市買外國菜都無咁貴!
回覆刪除[版主回覆08/27/2013 16:16:49]咁又唔會呀！？
係wo.....宜家食菜好貴....!!!
回覆刪除一餐又菜又肉既話....$3-40走唔甩~~
[版主回覆08/28/2013 22:03:14]我一向少食肉，但其實食素都絕對唔平㗎！
今個禮拜我又煲齋湯，用咗粉葛、紅蘿蔔、老黃瓜、冬菇蒂同扁豆赤小豆，無落到蜜棗都好清甜呀！
你總是整得好美好吸引喎.我那天買半斤菜仔都九元,貴到唔食菜要吃別的,
回覆刪除[版主回覆09/08/2013 17:40:51]講笑咋！我都唔算太嚴重濕疹！
[緊張大師-小女人回覆09/08/2013 12:02:28]噢,對不起,我可能忘了你有添.,咁我留比你用,真的唔錯架
[版主回覆09/07/2013 03:32:10]做乜妳送 Winnie 都唔送俾我呀？我都有濕疹喎！
[緊張大師-小女人回覆09/06/2013 16:28:23]我睇下最快幾時見你,因為我去台灣時買了一些肥皂好好用濕疹最好,送比Winnie因為個個朋友都話work的.唔生唔死又無錢就最可怕和可悲
[版主回覆09/05/2013 14:16:18]因為天氣轉得太犀利，又濕，Winnie 皮膚都突然轉差，要食藥呢！
係，妳講得啱，死唔怕，最驚係死唔去喺度捱苦！！
[緊張大師-小女人回覆09/05/2013 08:44:03]那就是告訴你你身體發出了警告了,你要留意,我唔伯死只怕死唔去又要累家人,你都要一樣,健康生活
[版主回覆09/04/2013 12:34:01]我好少食，但呢排真係嚴重咗，食藥後舒服好多！
我多數係飲咖啡止痛呀！
[緊張大師-小女人回覆09/04/2013 08:40:39]唔好長時間食止痛葯呀,我要下星期做完磁力共振先知.好呀,去你家人少少方便好多
[版主回覆08/31/2013 01:55:46]係呀，咁我幾時有機會去妳屋企食飯呀？
或者妳過嚟一齊煮素菜囉！
[緊張大師-小女人回覆08/30/2013 11:08:43]我都唔得喎,我煮肉係家人吃,我好少食,只會外出食多少少在家大部份係菜,同你住會大家夾D喎
[版主回覆08/28/2013 22:04:35]唔食菜食乜？唔通猛食肉咩！妳都仲可能得，我就死得囉，如果嗰餐無蔬菜的話，我食唔落㗎！！
其實落雨打風落雪, D菜實貴, 要食嘅我都會照買, 有時係唔係都貴, 咁不如食飛機菜, 感覺仲抵
回覆刪除[版主回覆08/30/2013 02:20:19]嘩，班太妳咁富貴，以上菜蔬全部都食來路貨色，我都係喺街市菜檔買咋！
[Mrs. Benz 班太回覆08/29/2013 13:44:04]除咗沙律菜，仲有好多，菠菜，西芹，露荀，菇菌，菜花．．．
[版主回覆08/28/2013 22:06:34]菜貴唔出奇，蔬都貴都超過十蚊斤就真係好少囉！因為通常蔬無菜咁易死嘛！
飛機菜有咩選擇，食沙律菜嗎？
甘筍cake唔多like呀....
回覆刪除[版主回覆08/30/2013 02:18:48]又唔多 like！！？？咁妳淨係食 kimchi 好喇！！