華記果菜有限公司

        噚日突然間改到 5:00 pm 先開工，所以開工前變成有好大段時間得閒無嘢做，而且反正都過開去港島嗰邊，又去多轉蘇豪區，睇吓搵唔搵到「華記」先！

今次卒之都搵到喇，梗係啦，再做多次 research 㗎嘛，真係因為嘉咸街舊舖
要重建而搬到結志街新舖呀！快手買完之後，喺指定時間內再轉搭
指定巴士，不單只可以免費轉乘，仲咁啱其中一架車係喺正
Miss 中心樓下落車，真係超方便哦！

果然比起我上次去嗰間多好多款式揀，不過價錢就好似
相對貴啲，可能因為上次勁大雨關係，加上嗰日
又係星期日兼已經差唔多挨晚五、六點鐘，
條街都無乜人買嘢，有機會舖頭
減價速銷收舖都唔定。

除咗有沙律菜同西式香草賣之外，仲有少量蔬果
賣，好似無花果、檸檬、新薯等等，你睇，
淨係番茄都有咁多款俾你揀呀！

 

 

   

今次除咗買沙律菜 ( $28 / 磅 ) 同羅馬生菜 ( $20 / 磅 ) 之外，
仲買咗一扎basil ( 香草 $10 / 扎)、1 磅車厘茄 ( $8 / 磅 )
同檸檬 ( $10 / 4 個 )，埋單計數盛惠 $62。返到
中心同同事講開，佢都話勁平，如果喺
大型超市度買肯定過百蚊咁話！！

        華記果菜有限公司地址：結志街 33 號 ，即「蘭芳園」同一條街，舖頭斜對面係垃圾收集站，相片中右手邊 (要用滑鼠轉動相片) 貼滿街招嘅舖頭就係「華記」現址喇！