呢個禮拜因各種原因，巧合地導致幾乎日日都量地兼拍烏蠅，雖然天氣凍唔多想郁，尤其係濕手洗嘢，唔單只凍到對手僵哂，仲乾到裂哂㖭！但係咁得閒都不事生產的話，好似有點兒那過，自己都會有罪疚感。所以趁前兩日稍為暖少少就整咗幾樣嘢咁啦！
打開櫃見到樽甜醋，發覺原來好耐無整薑醋食喇，
所以嗱嗱聲即刻走去浸鹹蛋，用嚟整薑醋
蛋，不過都要等成個月先食得！
又話白神山酵母係喺長期埋於積雪下嘅枯葉度分離出嚟，所以抗冷能力特別強，噚日用佢嚟整包，淨係第一次發酵都用咗成四個鐘，卒之下晝 2:00pm 開始郁手整，到半夜 12:30am
先出爐，真係人都癲！！以為要放入雪櫃低溫發酵到第二朝先可以焗㖭喇！
仲有整咗泡菜呀！
食譜參考：
你一係唔整........一整就整佐咁多野, 勁 ~~~ ^.^
回覆刪除係分兩日整呀！反正麵糰發酵同等泡菜出水都好長時間，咪兩樣同日做囉，無浪費時間嘛！
刪除我哩排對手都超乾，晚晚搽VASELINE再戴手套瞓先得呢……
回覆刪除我都好興一整就整幾樣，好似可以善用時間啲咁~~哈哈~~
我就比較麻煩啲，日頭唔係成日做嘢濕水就係教學生彈琴，無乜機會搽 cream，所以裂到爆！
刪除係呀，一日內做哂，第二日就可以瞓晏少少或者休息。
我成日唔整嘢食，無罪疚感，但整到嘢出嚟就有滿足感。
回覆刪除妳呢種心態太好喇！
刪除其實我唔係因為唔整嘢食而有罪疚感，而係覺得浪費咗啲時間！
呢排真係好凍到唔想煮野食，你好乖呀，趁暖dd就出動，叻﹗﹗
回覆刪除係呀，唔想自己搵藉口 hea 嘛，哈哈！
刪除太強了, 我好想睇鹹蛋製成品呀!!!
回覆刪除妳 click 食譜條 link 咪有得睇囉！
刪除原來整蛋係用來煮薑醋⋯認真要嗒真D!
回覆刪除因為一來用鹹蛋整薑醋好食過雞蛋好多，仲煮極都唔會變實，二來我唔鍾意處理街買鹹蛋面頭黑色嘅醃料。
刪除Kimchi.....作C咩!!!!!!!!!
回覆刪除哈哈，又引 C 妳哦！
刪除其實之前舊 blog 整過一次係點名送俾妳，不過妳可能當時無時間睇咋！