紅麴杏仁雙色雪芳食譜

        本來諗住偷懶唔打食譜喇，俾個參考食譜大家算數，不過應 blog 友小月嘅要求，同大家分享個食譜啦！

材料：
紅麴              5 克
水                 55 毫升

低筋麵粉      70 克
杏仁粉          25 克
蛋黃             3 個
糖                60 克
油                45 克
蛋白             4 個

- 紅麴放攪拌機內打成粉末，放入小煲內，加 30 毫升水，煲滾後轉用慢火煲至深紅
  色，攤凍備用。

- 麵粉過篩 3 次，之後將其中 40 克與杏仁粉拌勻，待用。

- 蛋黃加 20 克糖攪拌至略稠身，再加入油拌勻，之後平均分成兩份。

- 其中一份加入煮好嘅紅麴連水，拌勻後再拌入剩餘嘅 30 克麵粉。

- 另一份蛋黃糖油混合物就加入剩餘嘅 25 毫升水，之後拌入杏仁麵粉。

- 蛋白用電動打蛋器打至起泡，然後將剩餘嘅 40 克糖分 3 次加入，打發至 8 成企身。

- 將蛋白霜平均分成兩份，分別拌入兩種顏色麵糊內。

- 兩種麵糊交替勺入雪芳模內，放入已預熱至 180 ℃ 嘅焗爐內，焗約 30 分鐘。

- 出爐後立即倒扣，完全攤凍後即可脫模。 

Notes：
- 煮紅麴時會有小量水份被吸引及蒸發，可於加入蛋黃糖油混合物前再量度一下，加適
  量水至總量為 30 克即可。

- 蛋黃毋須打發，略為打至稠身即可。

- 麵糊完全勺入模後，輕敲枱面幾下以釋出大氣泡，可避免焗好嘅蛋糕內出現大氣孔。