年年入冬之後都會即刻大規模減產，因為天氣凍個人都懶好多，唔多願郁，更加唔想成日洗凍水，雙手又僵又爆拆，所以除咗會煮正常飯餐之外，額外嘢一律少整！
近呢一個月頭痛加劇，幾乎日日都痛過咁滯，就連咖啡都未必止到痛，唯有要食藥，所以一有時間都係要嚟休息，唔會再攪咁多 “花臣” 嘢喇！
趁今日唔需要煲齋湯，買咗嚿豬腱又煲藥材湯呀！
其實同上次個平民藥膳湯水差唔多，不過用料有些少唔同，
今次用咗北芪、黨蔘、杞子、淮山、紅棗、
雪耳、姬松茸、螺頭同豬腱。
今次用咗北芪、黨蔘、杞子、淮山、紅棗、
雪耳、姬松茸、螺頭同豬腱。
好耐無買豬腱煲湯喇，因為煲湯唔夠瘦肉甜，但係今日有
黨蔘同紅棗一齊煲就肯定夠甜，所以買嚿豬腱
煲都唔怕，煲完湯之後都仲可以食番，
不過其實平時嚿瘦肉我都會照食，
因為唔想浪費食物！
黨蔘同紅棗一齊煲就肯定夠甜，所以買嚿豬腱
煲都唔怕，煲完湯之後都仲可以食番，
不過其實平時嚿瘦肉我都會照食，
因為唔想浪費食物！
好少男仔咁有心機煲湯，你好乖^^
回覆刪除因為媽咪走之前我應承過佢要好好照顧自己嘛，況且媽咪又有教過我煲湯，都唔太難。如果自己都唔錫自己的話，咁又點叫人去錫你呢！
刪除咖啡點可以止頭痛。 正正經經做次 body check 啦。
回覆刪除咖啡有咖啡因嘛！妳知嘛，普遍 panadol 同特效 panadol 嘅最大分別，就係加多咗咖啡因咋，唔係做醫療嘅學生家長話我知的話，我都真係估唔到！
刪除以前都做過哂 body check 啦，check 過都話無事，搵唔到原因！
日日頭痛咁大濟, 有冇睇醫生呀！
回覆刪除係呀，都真係好麻煩，好影響心情同工作！
刪除睇醫生都無用，都搵唔到原因。
唔好食禁多止痛藥啊! 睇醫生啦!
回覆刪除啲止痛藥咪就係醫生開㗎囉！
刪除保重身體呀~~
回覆刪除多謝艾華斯妳關心呀！！
刪除我身體勁差, 醫師話我唔飲得北芪黨蔘, 我唔煲藥材湯, 只可滋陰既, 最好係虫草, 咁鬼貴, 飲下雪耳瓜瓜算lu
回覆刪除我媽咪臨走之前，醫院醫生都放棄醫佢，轉介佢去中醫部，即管試試，中醫師話佢身子咁弱最好食蟲草，我媽咪話我哋食唔起呢樣嘢，醫師就話退而求其次，用北芪代替，所以妳不妨試試，應該唔會太差，因為醫師係中大醫學院中醫教授。
刪除我虛不受補, 又唔燥得...睇過兩個出名既中醫都係咁講, 其他既藥房中醫都話我差差差...
刪除乜咖啡可以止痛@@
回覆刪除要保重身體呀!!
係呀，因為咖啡有咖啡因嘛，妳留言吓好多特效止痛藥成份都有咖啡因呀！
刪除多謝 BK 關心！^^
頭痛要去睇醫生架。
回覆刪除豬腱同瘦肉煲湯有乜分别呀？
由細睇到大都無幫助，我有個學生佢姐夫係西醫，佢話醫生最頭痛就係叫到病人話頭痛，因為原因超過 200 多種，都唔知點醫！
刪除豬腱煲湯無咁甜，但嚿肉煲完湯都唔會太乾太嚡；瘦肉煲湯就甜好多喇，但係煲完湯之後就超嚡囉！我老友話我知，佢幫嚫開嗰個豬肉佬話豬腱比較適合用嚟燉湯。
謝謝你介紹的中藥湯水。
回覆刪除唔好客氣啦！
刪除有時有Ｄ病医生都揾唔到原因，好無奈，不過，您咁後生，都要好好保重呀！
回覆刪除係呀，我都問過相關人士，佢話基本上頭痛係無得醫，只有食藥止痛，除非係個腦有事啦！
刪除妳又知我後生！？哈哈！
唔知你做盛行,如果成日對住電腦,或姿勢唔好,令頸部肌肉過緊,都會引致頭痛。
回覆刪除希望你快 D 揾倒原因,醫返好啦!
我係教音樂㗎！不過我其實都知好大原因係因為頭膊肌肉緊張同偏頭痛關係！
刪除多謝妳關心呀！ : )