阿馳同阿瑩啱啱去完韓國返嚟，買咗好多手信俾我呀！
有得食又有得護膚，可以靚住過新年，呵呵！
呢隻紫菜唔錯喎，我依家一路食，一路寫 blog。紫菜味好濃，
而且仲好脆，最重要係唔會好似一般紫菜咁灑上
勁多鹽，所以唔會死鹹，正！
呢個梨睇見都開心，成隻手掌咁大㗎！平時喺 Youtube
度都成日見到 Maangchi 姨用韓國梨煮嘢食，
佢用嗰啲都無咁大個呀！期待住切開
個梨時聽到好響嘅 “shap” 一聲，
而且多汁又清甜哦！
啱啱睇到 blog 友何瑪姬話去韓國實會買 mask，果然！！
又再一次證明，我啲皮膚真係乾到出哂名，哈哈！
有得食又有得扮靚護膚，你好幸福啊！^o^
回覆刪除係呀，哈哈！
刪除With best wishes for a happy New Year! 祝新年快樂!
回覆刪除你年中都收左好多手信喎。
我都同妳講聲 Happy New Year！！
刪除係呀，我呢個人唔多鍾意旅行，所以成日都係收禮呀！
蘆薈嗰樽我都用緊...超正! 洗完頭可以揸上去按摩頭皮...個韓國售貨員話可令頭頭順滑光亮, 又可以用嚟揸面喇...基本上當潤膚膏用, 我剛剛買咗...都幾好用呢!
回覆刪除我都喺我 Miss 中心度見過，不過就未用過呢！搽完之後會唔會有油膩感？
刪除咩話，搽頭都得！？
面膜係韓國指定手信。
回覆刪除我都唔知呢！太落後喇！不過始終男仔都唔多注重護膚。
刪除