2013年12月9日星期一

北芪黨蔘螺頭煲豬腱

           年年入冬之後都會即刻大規模減產,因為天氣凍個人都懶好多,唔多願郁,更加唔想成日洗凍水,雙手又僵又爆拆,所以除咗會煮正常飯餐之外,額外嘢一律少整!
 
       近呢一個月頭痛加劇,幾乎日日都痛過咁滯,就連咖啡都未必止到痛,唯有要食藥,所以一有時間都係要嚟休息,唔會再攪咁多 花臣喇!
 
        趁今日唔需要煲齋湯,買嚿豬腱又煲藥材湯呀!
 
 

 

其實同上次個平民藥膳湯水差唔多,不過用料有些少唔同,
今次用咗北
芪、黨蔘、杞子、淮山、紅棗、
雪耳、姬松茸、螺頭同豬腱。





好耐無買豬腱煲湯喇,因為煲湯唔夠瘦肉甜,但係今日有
黨蔘同紅棗一齊煲就肯定夠甜,所以買
嚿豬腱
煲都唔怕,煲完湯之後都仲可以食番,
不過其實平時嚿瘦肉我都會照食,
因為唔想浪費食物!
 
 
 

23 則留言:

  1. 好少男仔咁有心機煲湯,你好乖^^

    回覆刪除
    回覆
    1. 因為媽咪走之前我應承過佢要好好照顧自己嘛,況且媽咪又有教過我煲湯,都唔太難。如果自己都唔錫自己的話,咁又點叫人去錫你呢!

      刪除
  2. 咖啡點可以止頭痛。 正正經經做次 body check 啦。

    回覆刪除
    回覆
    1. 咖啡有咖啡因嘛!妳知嘛,普遍 panadol 同特效 panadol 嘅最大分別,就係加多咗咖啡因咋,唔係做醫療嘅學生家長話我知的話,我都真係估唔到!

      以前都做過哂 body check 啦,check 過都話無事,搵唔到原因!

      刪除
  3. 日日頭痛咁大濟, 有冇睇醫生呀!

    回覆刪除
    回覆
    1. 係呀,都真係好麻煩,好影響心情同工作!

      睇醫生都無用,都搵唔到原因。

      刪除
  4. 唔好食禁多止痛藥啊! 睇醫生啦!

    回覆刪除
  5. 我身體勁差, 醫師話我唔飲得北芪黨蔘, 我唔煲藥材湯, 只可滋陰既, 最好係虫草, 咁鬼貴, 飲下雪耳瓜瓜算lu

    回覆刪除
    回覆
    1. 我媽咪臨走之前,醫院醫生都放棄醫佢,轉介佢去中醫部,即管試試,中醫師話佢身子咁弱最好食蟲草,我媽咪話我哋食唔起呢樣嘢,醫師就話退而求其次,用北芪代替,所以妳不妨試試,應該唔會太差,因為醫師係中大醫學院中醫教授。

      刪除
    2. 我虛不受補, 又唔燥得...睇過兩個出名既中醫都係咁講, 其他既藥房中醫都話我差差差...

      刪除
  6. 乜咖啡可以止痛@@
    要保重身體呀!!

    回覆刪除
    回覆
    1. 係呀,因為咖啡有咖啡因嘛,妳留言吓好多特效止痛藥成份都有咖啡因呀!

      多謝 BK 關心!^^

      刪除
  7. 頭痛要去睇醫生架。
    豬腱同瘦肉煲湯有乜分别呀?

    回覆刪除
    回覆
    1. 由細睇到大都無幫助,我有個學生佢姐夫係西醫,佢話醫生最頭痛就係叫到病人話頭痛,因為原因超過 200 多種,都唔知點醫!

      豬腱煲湯無咁甜,但嚿肉煲完湯都唔會太乾太嚡;瘦肉煲湯就甜好多喇,但係煲完湯之後就超嚡囉!我老友話我知,佢幫嚫開嗰個豬肉佬話豬腱比較適合用嚟燉湯。

      刪除
  8. 謝謝你介紹的中藥湯水。

    回覆刪除
  9. 有時有D病医生都揾唔到原因,好無奈,不過,您咁後生,都要好好保重呀!

    回覆刪除
    回覆
    1. 係呀,我都問過相關人士,佢話基本上頭痛係無得醫,只有食藥止痛,除非係個腦有事啦!

      妳又知我後生!?哈哈!

      刪除
  10. 唔知你做盛行,如果成日對住電腦,或姿勢唔好,令頸部肌肉過緊,都會引致頭痛。
    希望你快 D 揾倒原因,醫返好啦!

    回覆刪除
    回覆
    1. 我係教音樂㗎!不過我其實都知好大原因係因為頭膊肌肉緊張同偏頭痛關係!

      多謝妳關心呀! : )

      刪除