紅莓肉桂卷

        三年前整過一次肉桂卷之後就無再掂呢樣嘢喇，因為當年係跟足食譜用牛油做餡，嘩，難頂到呢，真係一路食一路反哂胃！但係我又一向好少浪費食物，無理由整左咁多個包全部掉哂佢㗎，唯有硬啃，所以一路都無再整，有陰影呀！！
 
        直到最近，又睇番《不使用砂糖的自然派 sweet 甜點》呢本食譜，發現原來都有肉桂卷，個餡係用紅花油嚟整，咁所以我今次就試吓改用橄欖油嚟整，果然好好多，起碼個人食得開心先啦！

        一般肉桂卷都會落提子乾，不過咁啱食哂，就隨手用紅莓乾代替啦，整嘢食就係咁靈活多變哦！

今次無用番之前個牛油餐包食譜嚟整，用咗
白麵包多士麵糰代替，分別唔係太大。

 

其實啲紅莓乾已經提早一日浸拔蘭地，
但係焗完出嚟都係有啲乾硬！

 

剛放上烤盤時都仲係好鬆動，焗完之後有幾個
已經黐埋哂，發到成隻豬仔咁大呀！

 


製作方法，請參考《杏仁提子肉桂卷》。