2014年1月17日星期五

紅莓肉桂卷

        三年前整過一次肉桂卷之後就無再掂呢樣嘢喇,因為當年係跟足食譜用牛油做餡,嘩,難頂到呢,真係一路食一路反哂胃!但係我又一向好少浪費食物,無理由整左咁多個包全部掉哂佢㗎,唯有硬啃,所以一路都無再整,有陰影呀!!
 
        直到最近,又睇番《不使用砂糖的自然派 sweet 甜點》呢本食譜,發現原來都有肉桂卷,個餡係用紅花油嚟整,咁所以我今次就試改用橄欖油嚟整,果然好好多,起碼個人食得開心先啦!

        一般肉桂卷都會落提子乾,不過咁啱食哂,就隨手用紅莓乾代替啦,整嘢食就係咁靈活多變哦!




今次無用番之前個牛油餐包食譜整,用
白麵包多士麵糰代替,分別唔係太大。
 





其實啲紅莓乾已經提早一日浸拔蘭地,
但係焗完出嚟都係有啲乾硬!
 





剛放上烤盤時都仲係好鬆動,焗完之後有幾個
已經黐埋哂,發到成隻豬仔咁大呀!

 



製作方法,請參考《杏仁提子肉桂卷》。


 

6 則留言:

  1. 回覆
    1. 真係唔知點答妳呢!因為噚日整好之後無即刻食,留起兩個今日帶返中心先食,中心又無焗爐,無添加嘅 homemade 包,隔日無焗番先食肯定好難食哦!! ^^"

      刪除
  2. 我好中意用紅莓整包架~~我都唔中意太油,所以好多時用個普通嘅吐司麵糰/基本麵糰配唔同內餡就算:P

    回覆刪除
    回覆
    1. 係啦,多油包真係唔多鍾意,自家製都落咁多油的話,不如出街買嚟食好個,慳番好多功夫!

      刪除