2014年1月17日星期五

冬天必食 — 西洋菜

        一踏入冬天,我一定會買西洋菜嚟食,因為係我嘅 "賣飛佛"!仲記得初初開始 incharge 個廚房時,以為一年四季都有得食,夏天時搵極都唔見有得賣,後尾先知原來淨係冬天先有呢!雖然對於入廚都唔係完全得個零,但當時真係好多嘢要慢慢學哦!
 

記得以前媽咪煲西洋菜多數都係用鮮陳腎嚟煲,但係依家
經過雞檔都好似無鴨腎賣嘅,所以除咗鴨腎乾
之外,我就用咗栗子嚟煲,更加清甜呢!
 





除咗煲湯之外,我都鍾意用西洋菜滾湯,因為咁樣啲菜
更加好食,加埋鯪魚肉一齊滾湯,咁就
又有湯飲,又有餸食喇!
 
 
 

20 則留言:

  1. 我都係由細到大飲西洋菜湯架,好好味呢﹗

    回覆刪除
  2. 回覆
    1. 係?真係唔知喎!咁要食多啲至得喇!!

      多謝妳袋錢落我袋! ^^

      刪除
  3. 西洋菜好味呀!好耐冇食啦,等我睇吓買唔買倒先!

    回覆刪除
  4. 用西洋菜煲栗子都唔錯喎~~

    回覆刪除
  5. 細個有西洋菜豬肺湯,亞媽洗豬肺個場面仲瀝瀝在目呀。

    回覆刪除
    回覆
    1. 嘩,妳媽咪好有心機喎!洗豬肚、豬肺呢家嘢真係唔好預我喇!

      刪除
  6. 我都係好鍾意食西洋菜架,多多都食得晒添。

    回覆刪除
    回覆
    1. 咁幾好喎,買一斤返嚟當飯食,咁就可以食少啲澱粉質呀!

      刪除
  7. 咁您有冇試過腐乳炒西洋菜呢?用嫩嗰部份嚟炒,老嗰部份嚟煲臘鴨頭湯,好好味咖。

    回覆刪除
    回覆
    1. 嘩,聽都未聽過人講會咁煮喎,係妳家鄉特色煮法嗎?

      刪除
    2. 唔係我鄉下餸,係一位菜販教嘅,不過我一家都Like喎。

      刪除
    3. 等我搵次都試試用腐乳炒西洋菜先!

      刪除
  8. 西洋菜有獨特的香味, 用來整雲吞都好好味架
    就咁灼西洋菜, 加豉油麻油乾蒜, 正

    回覆刪除
    回覆
    1. 咁耐又真係未試過用嚟包餛飩喎!

      我自己就比較鍾意清清哋就咁食,可以食到原味。

      刪除