2014年2月9日星期日

10 分鐘煲粥

        講開煲粥,好耐之前喺網上已經睇到有網友分享用 10 分鐘就煲好粥,當時我都半信半疑,但因為我一向都唔太好食粥,一年最多都係煲兩、三次,所以一直都無試過呢個方法,就趁呢日試試先!
 
        其實方法都好簡單,只需將米洗乾淨,之後放入容器內蓋好或放入膠袋內,放上冰格,將米粒雪到結冰。煲滾水後,將結冰米粒直接倒入滾水內,煮 10 分鐘就攪掂。
 
        原理係當米粒雪至結冰時,水份體積會膨脹,將米粒撐開,產生裂紋,之後當加入滾水時,因熱脹冷縮嘅關係,米粒好快就煮到爆開成米花,從而大大縮短時間煲成粥。
 
 

 我呢次煲 10 分鐘後,米粒都幾乎全部爆成米花,但粥都
仲未夠綿,再煲多約 8 - 10 分鐘先得,中途我已經
加入南瓜粒一齊煮,煮好之後再
罐粟米蓉落去攪勻即成。
 




大家亦可參考一下呢個短片示範:


 
 
P.S.  之前 Winnie 都講過俾我聽用相同方法,煮豆類一定會腍,我自己都試過,真係掂,大家不妨一試。
 

23 則留言:

  1. 多謝你的好介紹,我下次都試下先!

    回覆刪除
  2. 老友多謝好介紹,我鐘吃粥這個一定省時又省油,讚呀.煮豆用同一個方法就可以,咁我咪唔雖要煮咁耐.謝謝你,今日就試下.

    回覆刪除
    回覆
    1. 唔好咁客氣啦!

      我之前試過煮完啲豆唔腍,後尾跟 Winnie 咁講將佢雪入冰格,之後再煲就腍到爛!妳試試啦!

      刪除
    2. 我放了紅豆入去試下,我會煲煲,這可省火省錢呀.

      刪除
    3. 我大滾水後就將結冰米落煲囉!

      刪除
  3. 哩個方法好好喎~慳好多時間呢^^

    回覆刪除
    回覆
    1. 係呀,最重要係就算即時想食都唔使等好耐。

      刪除
  4. 我會將D豆、蓮子、百合等等放在雪櫃收藏,因怕會出"牛"但就會煲唔腍,咁以後要放入冰格先得了。

    回覆刪除
    回覆
    1. 我都懷疑呢類嘢放過入雪櫃就變得煲唔腍,因為我同妳一樣怕生穀牛,但次次都煲唔腍,連蓮子都一樣,嬲死我!

      但妳一定要洗乾淨哂先好放冰格喎,因為係要唔解凍直接放入滾水內呢!

      刪除
  5. 這個我都試過,都OK,我平時用油鹽撈下都可以。

    回覆刪除
    回覆
    1. 我都見好多人會先用油鹽撈米,有咩好呢?會綿啲嗎?

      刪除
  6. 呢個方法, 係以前亞洲電視有個節目介紹過, 我在網上睇過, 但未試過煲....

    回覆刪除
    回覆
    1. 哦,原來電視都講過!點解妳唔試吓呀?

      刪除
  7. 除咗呢個方法,仲有保溫壺焗粥,不過個我都未試過呀

    回覆刪除
    回覆
    1. 妳講嘅方法同我用真空煲原理一樣,不過都係要等一段時間!

      刪除
  8. (¯`♥´¯)♥*•.•**•.•**•.•**•.•**•.•**•.•*
    .*•.¸.•*(¯`♥´¯)♥✰祝大家和家人及情人..✰
    ღ'2014ღ*•.¸.•* 情人節+元宵節開心快樂!

    回覆刪除
  9. 呢個方法真唔錯,慳返D煤氣

    回覆刪除