2015年3月18日星期三

素公司治

        平時我都好少出街食,兩餐多數都係自己煮,一來當然係慳錢啦,二來就係一向都唔多鍾意出街食。之但係咁,始終都係有機會要街外食嘅,由朝到晚都喺街的話就迫住要出街食喇!
 
        以我嘅生活習慣,出街食的話好彩都夾到 tea time 時間,我都多數只會去快餐店攪掂,因為都仲可以 $2X 醫飽個肚。好多時都會叫公司治,飽肚得嚟又相對比較健康,少肉少油。近日行經某快餐店門口,經過時望到入面個餐牌,一份公司治原來已經加到成 $30 一份,以呢個價錢去食幾塊薄薄麵包同雜菜,真係唔多值,我唔想同食店交租囉!!反正自己整都無難度,應該係零難度先啱呀!
 
 

咗無肉之外,牛油都欠奉,一層就搽
mayonnaise,另一層就搽 mustard






始終角位都係唔夠角哦!
 





將麵包切片時真係難到爆,軟到呢 …… 白麵包都唔係第一次整,
就算係用麵包機整嘅包都無咁難切,後尾醒起今次係
第一次用低溫發酵過夜去整麵包多士,所以
依家就明白點解整麵包多士多數都會
係用番直接法去做囉。
 

 

10 則留言:

  1. 香港出街食,又貴又唔好食,我都係鍾意自己整,食得放心又舒服。

    回覆刪除
    回覆
    1. 係呀,真係好貴,所以我都真係戥嗰啲喺商業區嘅上班一族慘!!

      刪除
  2. 真係完全自製的公司三文治呀!而家出面食下午茶都唔平呢,不過就始終抵過Lunch~~

    回覆刪除
    回覆
    1. 咁就真呀,tea time 真係平好多哦!

      刪除
  3. 非常吸引!而且絕對比在外吃健康有益!^^

    回覆刪除
    回覆
    1. 係呀,有時我向收銀要求走牛油,問完廚房就話唔得,因為已經一早做定好哂喎!!自己整就想點都得!

      刪除
  4. 出街食真係愈整愈貴, 好食都仲話吖, 又貴又難食真嘥氣!

    回覆刪除
    回覆
    1. 妳講得無錯呀,有時唔係純粹睇價錢,而係睇佢值唔值呢個價!

      刪除
  5. 講真,除咗朋友聚會出外食之外,大多數我都會下廚。出外食又貴,份量一定唔及在家煮

    回覆刪除
    回覆
    1. 係呀,出街食價錢貴,份量又細;屋企自己整不但食得舒服,而且一定健康!

      刪除