2011年11月11日星期五

蘿蔔泡菜


   呢個白蘿蔔泡菜其實係早幾個星期之前做 o架喇,醃好之後,除咗當做前菜食之外,我仲用佢嚟整咗其他嘢 o添。







 


材料:


大白蘿蔔   1


粗鹽   1/4
    1 湯匙


韭菜   適量


 


醃料:


辣椒粉     1/2


蝦醬   1 湯匙


蒜頭   1


    1 大片


    1 湯匙


    1 湯匙


 


- 蘿蔔刨皮後沖洗乾淨,之後切粗粒。



-
加入粗鹽及糖拌勻,移至筲箕內醃 1 個鐘,之後用清水沖洗多餘鹽份,瀝乾備用。



-
韭菜洗乾淨,切段;醃料中嘅薑同蒜頭分別切成薑蓉及蒜蓉。



-
將所有醃料材料拌勻成泡菜醃醬,備用。



-
蘿蔔粒同韭菜加入醃醬內,拌勻,之後倒入一個密氣容器內。



-
喺之前用嚟處理醃醬嘅兜內加入少量清水,再加入 1 茶匙糖及鹽,拌勻成醬汁。



-
將醬汁倒入材料內,冚好蓋,放入雪櫃內醃一日即可食用。






今次買咗包新嘅辣椒粉嚟整泡菜,味道勁辣,
食完之後只得四個字評語:辣到跳舞!!







用蘿蔔泡菜嚟拌麵食,正呀!






之後就用嚟整壽司。







仲用嚟炒粒粒 o添!
 


 


Notes


- 除韭菜之外,亦可加入蔥及芹菜一齊醃漬。


- 想蘿蔔顏色更加鮮豔的話,可以喺加入醃醬前預先用少量辣椒粉將蘿蔔染紅。



-
醃蘿蔔時間越長就越入味。



 


 


你哋亦都可以喺 Facebook Fans Page 度搵我 o架,我間小店叫做 La Cucinadi Kestrel 呀,快啲 click 入去做我個 fans 啦!


4 則留言:

  1. 辣到跳舞....勁 like 呀!一定要試呀!
    [Motonako.A回覆11/17/2011 16:13:07]今日先得閑影相咋....好快 post 架喇!下次要試用韓式辣醬加辣椒 粉咁咪夠辣囉...整呢個方便過整 kimchi 呢, 不過冇諗過要落蝦醬就真????大少今日試咗都話正呀....又多十個like呀! hahahaha....
    [版主回覆11/16/2011 23:54:15]嘩,係咪真係好食得咁緊要呀?妳果然嗜辣如命喎!……我諗用韓式辣醬整都無乜問題,不過未必夠辣!……俾10個like我,受寵若驚o添!
    [Motonako.A回覆11/15/2011 10:51:09]整咗喇...但啲整唔倒醬嘅效果, 咁咪加咗少少水囉!嘩...不得了, 今日試食...簡直正到冇朋友呀!查實用 hot pepper paste 代替嚟辣椒粉得唔得呢吓???? Anyway....多謝大哥好介紹呀!比十個 like 至得呀!
    [版主回覆11/14/2011 01:38:33]喂,無見一輪喎,好忙呢!我都好鬼忙,所以都未得閒去拜候妳呀!…… 係喎,妳鍾意食辣,咁一定要試啦!不過睇妳買邊種辣辣粉咋,唔係隻隻都可以跳舞 o架!!

    回覆刪除
  2. 唔理整咩`..呢幾樣都係我超愛...辣到跳舞先係路嘛...你係咪辣暈左啦..影都唔見...
    [版主回覆11/14/2011 01:40:45]辣到跳舞先係路!?唔係呀,咁自虐!!…… 我都想辣到暈咗唔駛做呀,呢排忙到呢!

    回覆刪除
  3. 驟眼睇, 仲以為是五花腩 :)
    [版主回覆11/16/2011 23:51:08]如果係五花腩的話,咁咪嚿嚿都係肥膏!?Wakakaka

    回覆刪除
  4. 請問你果隻蝦醬是否韓國雜貨店好細隻,生的,帶點粉紅(好以整大澳蝦醬果隻好以叫銀蝦)、白色的那一隻? 如果係既話,咪好腥囉?
    [版主回覆07/01/2013 23:14:39]我無用到呀,只係用少少中式蝦醬代替!
    不過睇食譜張相就應該唔似中式蝦醬咁成膏狀,望落好似係清楚睇到一隻隻蝦毛,略帶淺灰色。

    回覆刪除