2012年9月16日星期日

茄汁煮雞腿 Ayam Masek Merah



睇到個名,咪以為係一個普通番茄煮雞髀嘅菜式,其實呢個係一個娘惹菜嚟㗎!

 



早前喺圖書館借咗本
娘惹菜食譜,裡面有好多個餸我都想煮,但係,同一般東南亞菜式一樣,都用到頗多香料,工序比較多之餘,有啲材料仲未必係隨便可以買到。喺咁多個食譜之中,我點解會睇中呢個呢?因為所有材料我手頭上都有之餘,佢嘅味道亦好吸引到我去試,皆因真係好難想像到肉桂、八角加南薑煮番茄會係咩味,至少我唔會咁煮先啦!

 




材料:

雞髀  1500


罐頭番茄   1 小罐


2 湯匙

肉桂 1

八角 2

    1 茶匙

淡奶 100 毫升

    300 毫升

洋蔥     1



 



香料:

乾蔥頭 200

辣椒乾
20

蒜頭 4


    20

南薑     1 小塊



 



- 雞髀洗乾淨後用適量鹽醃好;所有香料放攪拌機內打碎;洋蔥切開 4 份。




-
燒熱適量油,放雞髀入內炸至金黃,盛起瀝乾油,備用。




- 倒去炸油,剩餘少量留鑊內,加入香料炒香至油份滲出。




- 雞髀回鑊,兜炒至完全沾上香料。




- 將其餘材料加入,用中慢火燜至雞髀全熟即成。



 



食譜出自
Patricia Lee 嘅《經典娘惹菜》。

 



眾所周知,我係唔會開油鑊炸嘢嘅,用半煎炸方式都做到咁樣已經好滿意喇!




估唔到味道咁好喎!我自己額外加多幾隻番茄落去一齊煮,不過我就無落到奶喇,
怕自己接受唔到香料加奶煮番茄呢個咁
嘅口味。

4 則留言:

  1. 呢d菜式真係加大堆頭香料,因以前煮左俾d 勞工/船夫帶出去食, 可以保存多d日子唔變壞....既然好味既,就會返尋味啦.
    [版主回覆09/21/2012 23:30:44]BK:咁妳快啲郁手整啦!
    M.A.:幾時到妳同少爺仔返港先?
    [Motonako.A回覆09/21/2012 03:54:36]BK, 咁即係快喇...預祝你玩得開心啲喇...記住 shop 多啲喇!
    [BK回覆09/20/2012 14:31:04]Kestrel 買左桂花啦⋯不過今日走去outlet⋯又擱之東閣先⋯呵呵
    未呀))))))呀太有乜分付⋯
    [Motonako.A回覆09/20/2012 03:10:12]BK, R U in HK now????
    [版主回覆09/19/2012 16:37:32]講事實咋,真係勁易,妳睇番我之前個食譜就知道有幾易喇!
    [BK回覆09/18/2012 11:51:56]
    [版主回覆09/17/2012 22:25:42]BK,妳自己煮都得啦,妳都係高手,桂花糖咁易整,實難唔到妳嘅!
    [BK回覆09/17/2012 12:17:59]Thx!
    [毛豆回覆09/17/2012 11:57:38]新三陽囉..一樽既.
    [BK回覆09/17/2012 11:34:46]豆豆想問你九龍城邊樹有桂花糖賣?
    [版主回覆09/16/2012 21:04:29]原來係咁,我以為純粹係東南亞人食嘢鍾意濃味咋!
    呢個實會翻尋味啦,又唔難整,不過都想試吓食譜裡面其他菜式。

    回覆刪除
  2. 半煎炸都唔錯用大油鑊炸太浪費
    [版主回覆09/17/2012 11:43:29]有衣食,食得是福!
    [BK回覆09/17/2012 11:33:32]為食鬼
    [版主回覆09/17/2012 11:30:37]係囉,所以我真係唔會炸嘢呀!
    咁妳實鍾意食東南亞菜啦!

    回覆刪除
  3. 緊張大師-小女人2012年9月17日 下午2:50

    你好鐘意煮埋咁複雜既餸菜,要用咁多香料去弄,我真係只整簡單而好味不用太煩的菜餚,我學到你一半就好.,,但看到你的材料和香料就頭痛,我只愛鹽,油糖,鼓油....蠔油...麻油,咁上下啦.你家咪買埋好多不同款式的醬料.....我日日煮飯都無用咁多,服了你呀
    [緊張大師-小女人回覆09/28/2012 21:19:14]對啦,有時整定架無得逃避...哈哈
    [版主回覆09/28/2012 13:13:10]我估意思係如果嗰個人係整定要死,根本唔使有任何病痛都要走人!
    [緊張大師-小女人回覆09/26/2012 18:57:51]係呀,家姐成日講架,但唔明佢點解....只要你不太疲累就自家整好過啦
    [版主回覆09/26/2012 18:49:35]但我又唔想浪費時間哦!所以如果有空在家又唔係真係太攰的話,我都會整嘢食!
    我曾經喺街市聽過兩個師奶傾偈,佢哋話 "該死唔使病",我覺得呢句話好正!!
    [緊張大師-小女人回覆09/23/2012 08:08:09]你也不要太累太忙,因為太疲勞真係會病的,我這個過來人同你講,有時間就休息休息一下啦,知嗎?雖然我好想你整好多食物比我偷師但我都唔想你咁疲倦
    [版主回覆09/21/2012 23:56:49]睇嚟都應該係,搵藉口偷懶!
    [緊張大師-小女人回覆09/20/2012 15:19:53]出外可以吃別的款式那多元化一些,在家就簡單為上,不要太煩,我可能太懶,哈哈
    [版主回覆09/19/2012 23:13:37]咁我由細到大對粵菜都無乜興趣嘛,所以我媽咪間唔中都會煮西菜,如果我倆出街食就一定唔會再食粵菜㗎喇!
    [緊張大師-小女人回覆09/19/2012 19:43:36]你好搞笑,我地咪又係食足五十幾年,咁我又無悶喎,可能我唔花心呀.....
    幸好我所有醬料都可以安全渡過無事就用晒,或者我天天都弄飯同成日外出食飯無係屋企住就用得少啦
    [版主回覆09/19/2012 16:36:10]我都係習慣食淡口,所以自己煮嘅時候就可以控制調味料用量,唔會太濃味。
    我過期嘅調味料照用㗎,完全無問題,除非發霉啦,否則我一定會用到清哂為止,絕對唔浪費!
    係㗎,由細食到大,食足三十幾年都係粵菜,唔悶就假喇!所以如果有時間的話,我多數都會學煮其他菜式,就算煮粵菜,起碼都幾個月後先會重覆菜式!
    [緊張大師-小女人回覆09/19/2012 06:55:33]朋友,問題就係呢度啦,煮各款不同菜式係好,但煩就是我們用不同的汁醬那才大問題,成雪櫃都係,唔用等下等下又過期好肉痛呀,浪費金錢不化算,有時想弄一些但想到不會經常想吃買了點算.....同時我家比較清淡,醬料不多我比較如你這樣搞到咁煩.其實你點解會食到悶既???你變化都好多喎,意粉,意大利飯,又粥又炒麵等....始於我們不大酒樓係差D啦.
    [版主回覆09/17/2012 22:32:46]吓,呢個已經係成本食譜中最簡單、最易整嗰個喇喎!
    妳點同我呢,妳要好好睇住自己身子,到完全康復時再煮大菜都未遲啦!
    因為我一向都唔太鍾意食粵菜,就嚟食咗四十年喇,勁悶!所以我盡可能都學煮外省菜或其他國家菜式!
    暫時都仲有好多醬料存貨喺雪櫃,食哂之後就盡量少買,因為大部份開封後都要放入雪櫃保存,攪到個雪櫃其中一層全部都係醬料,煩死!所以依家我都盡量自己整,整少少,一次過用兩、三次就算。

    回覆刪除
  4. 碟餸D顏色好吸引 ! 相信好好味喇 !
    [版主回覆09/19/2012 22:51:32]直情好好味啦!

    回覆刪除