材料：
煙肉
洋蔥
牛油果
蒜蓉
意大利米
羅勒
百里香
調味料：
白酒
清雞湯
鹽
辣椒粉
- 煙肉剪碎；洋蔥去衣後切成細粒、牛油果去殼、去核後切粒。
- 燒熱油，放入煙肉碎慢火煎香，之後加入洋蔥同蒜蓉一齊爆香。
- 將米加入，兜炒片刻，倒入適量白酒炒至乾。
- 之後加入清雞湯，邊煮邊攪拌。
- 當水份煮乾後就再加入湯及牛油果，繼續邊煮邊攪拌。
- 重覆加入清雞湯煮至米熟為止，最後加入鹽、香草同辣椒粉調味即成。
今次試吓煮得無咁乾身，但個人口味都係鍾意比較乾爽少少。
今次個牛油果唔係好靚，味道唔夠香濃，可惜！
走一頭煙既肉
回覆刪除[版主回覆09/13/2012 01:44:28]唔得！無咗佢個飯就乜香味都無㗎喇！
幸好我不愛意大利燴飯,要不是我又忙於跟你學習,朋友招呼我到家吃飯就是其中食意大利燴飯,唔知點解無興趣,也不愛吃....
回覆刪除[緊張大師-小女人回覆10/01/2012 19:31:33]年青人咁差架,好好練下身體為老來著想呀,認真同嚴肅正視問題
[版主回覆09/30/2012 00:20:54]我不嬲都擁有老人家嘅身體！
[緊張大師-小女人回覆09/23/2012 08:06:09]唔吸收而已,脾唔好咪食乜都唔吸收,你要好好調理下身子,當然唔一定要肥,只係要身體好,有分別的,你若瘦但健健康康無問題的,重點要健康呀
[版主回覆09/22/2012 00:01:23]我其實都唔係食得少，識我嘅朋友都知道我都算食得，不過就比較嘥米飯囉，食極唔吸收同成日痾！
[緊張大師-小女人回覆09/20/2012 15:18:35]Kestrel.你比較瘦呀,胖少少可以接受.但最重要健康,吃多吃少無所謂,一定要吸收營養食品呀,知嗎?
[版主回覆09/17/2012 22:37:14]係啦，如果妳試煮的話，煮番腍小小，妳可能會改觀。
如果得我自己一個人食，我真係會好求其，可能淨係飲湯、食湯渣做餸！
晏晝個餐就仲求其，多數食個自製麵包、煮個麵、簡單沙律、煎 pancake 就算數，唔想再攪咁多嘢喇！
[緊張大師-小女人回覆09/17/2012 14:45:19]啊......明白晒啦,你講中了我可能筧得似煮唔熟嘅生米....所以咪唔鐘意.當我一個人時我都會炒碟菜煲個飯,我同其他師奶唔同,唔好求其一餐,點都會煮些菜煮下麵,但大多會弄飯,一個人都會食飯架,朋友個個都笑我咁煩,就算煮粉線都係好多功夫,我唔想吃杯麵又除意買個漢寶包喎
[版主回覆09/16/2012 21:02:04]可能因為對方煮法好正宗，有啲似煮唔熟嘅生米，所以妳覺得唔啱胃口。如果係的話，妳可以就自己口味煮番腍身少少，其實索哂雞湯同其他材料味道，好好食㗎！
我最鍾意就係一個人食飯時煮，因為方便快捷，唔駛又煲飯又煮餸，慳好多時間同柴火。
成日想試整呢個...總覺好似好難咁...
回覆刪除[版主回覆09/16/2012 20:58:25]一啲都唔難㗎，仲易過煲粥，起碼唔會黐底先。你叫大少試煮咪得囉，咁妳就唔駛怕失敗啦！
我想問下好似你果碟既份量用左幾多米呀?
回覆刪除[版主回覆09/16/2012 20:56:39]真係唔好意思，我其實係用 1 嘜半米煮成，呢度只係用少部份上碟影相，我諗嘜半米大概可以煮到 4 - 5 碗飯啦！視乎各人食量。
Risotto米係咪要煮耐好多?
回覆刪除[版主回覆09/16/2012 20:54:06]我又唔多覺呀，因為要好似炒餸咁不停攪拌，仲要不斷加湯，做緊嘢就唔係好覺時間過得快定慢。