2013年1月18日星期五

新書櫃

呢排好忙,無時間 update blog、無時間探 blog 友、更加無時間巡 blog,皆因天氣凍,朝早唔多願起身,攪到時間唔好使,而且新書櫃上星期已經送咗嚟,老竇當日裝好之後我就開始要執嘢、搬嘢、丟嘢,一得閒唔使返工煮飯就係咁執、係咁移,所以完全無時間寫 blog。其實呢段時間都有好多嘢想同大家分享㗎,不過睇嚟都要慢慢後補囉!



呢個就係新書櫃喇!居然俾我買到個同舊嗰個
差唔多色同款,真係犀利!








你睇,兩個係咪好似呢!難得十幾年後都可以喺唔同公司
買到差唔多款,不過新嗰個就無咗幾個櫃桶,
啲唔方便囉!








舊嗰個櫃塊背板已經離開哂。









櫃門又凹陷,而且櫃桶仲甩底㖭呀,老竇用封箱膠紙
黐住佢,暫時頂住先咋!









攪足幾日,今日卒之都執好哂喇!!


5 則留言:

  1. 櫃存量好多噃!
    [版主回覆01/20/2013 01:33:41]係呀,下格仲收埋好多 "垃圾" 呀!!

    回覆刪除
  2. 好整齊咁噃!
    [版主回覆01/20/2013 01:32:39]上面玻璃嗰格要見人嘛,梗係擺到好整齊啦!但係一打開櫃門,下格就……

    回覆刪除
  3. 緊張大師-小女人2013年1月21日 上午9:14

    難怪你咁忙啦,可以睡時就抖多些啦.換了個新就安樂晒,但講起執屋新年又來又係大清洗時間,話咁快又到新年.
    [緊張大師-小女人回覆01/30/2013 21:39:09]
    [版主回覆01/30/2013 17:23:40]可能大部份家長都變得非常相熟,又經常一齊整嘢食、出街食,雖然只係一次半次都真係開唔到口呀!
    [緊張大師-小女人回覆01/28/2013 11:05:53]緊記:唔係成日~只係欠了好耐開口提一次唔算成日講這二樣分清楚好大分別的.簡單一句...乜太,請問上個月的學費你會幾時方便比埋我呀?
    [版主回覆01/28/2013 01:58:02]因為我成日都覺得開口問攞學費人家會覺得我好計較,好緊張個錢,慌死佢哋會唔俾咁,真係唔知點開口!
    [緊張大師-小女人回覆01/27/2013 10:27:18]好奇怪喎,又唔係要你同佢借,借錢就話開唔到口,但現在係收工資喎,有無搞錯呀,勞工處超過七日可以去投訴架,但比足時間比足面啦,那父母唔係忙到咁你搵你笨呀?又或者她們真係忙到唔記得你只是提一提,人家馬上唔好意思比番你,係咪??有機會人地都好忙而忘記唔係有心都唔奇.你又唔講佢地以為比了???
    [版主回覆01/26/2013 20:19:30]個個都係咁講,但係我真係開唔到口,試過欠足幾千蚊學費都有!
    [緊張大師-小女人回覆01/24/2013 11:32:34]吓~~~唔好呀,問一句都要,你教他們就要付出的,不能如此,這是你辛勞應得的朋友仔唔好咁呀
    [版主回覆01/22/2013 15:40:29]咁又真呀!我連啲學生遲交幾個月學費我都開唔到口呀!!
    [緊張大師-小女人回覆01/22/2013 07:29:35]咁呢樣係事實家中的電器呀乜重型東西我無力去整架只好求人,唉,你知求人好難架
    [版主回覆01/21/2013 19:56:22]嘩,完全同我老竇一模一樣,亦係我媽咪以前肺腑之言!
    [緊張大師-小女人回覆01/21/2013 14:38:21]我都成日清潔,但某些如抽油煙機抽氣扇等由男人整無奈他只是新年才去拆來抺.嘻嘻,求人無法啦,我好愛乾淨但都要忍氣吞聲
    [版主回覆01/21/2013 12:55:48]我屋企無年廿八洗邋遢呢樣嘢,因為個個禮拜我都 keep 住執屋做清潔,所以根本無乜額外好做,不過就做到頸膊傷哂囉!

    回覆刪除
  4. 真係好整齊
    [版主回覆01/21/2013 12:52:51]哈哈,有玻璃個 part 要見人就梗係執到整整齊齊啦,當妳打開個櫃,見到下半部份時就唔會咁講喇!

    回覆刪除
  5. 好多琴書喎 !
    [版主回覆01/28/2013 01:55:35]我已經算少喇,好多人比我多一倍有多呀!

    回覆刪除