2013年1月26日星期六

忌廉蘑菇雜蔬燴豆腐

因為今日係十五,所以晚要煮齋,點解要早—日煮定?哈,你唔記得咗我幾點食夜晚嗰餐嗎?


 


呢個又係一個懶人餸,因為噚日一早買完餸返屋企就開始做嘢,先係煲落湯,跟住就整 biscotti,再跟住就整定幾個 muffin 今日做早餐,整好之後抖一陣,做埋晚課之後就要清潔佛壇,之後先食我個 lunch,無幾耐又要煮夜晚嗰餐俾老竇食喇,全日都真係無乜點停手,所以夜晚嗰餐唔想再攪咁複雜喇!求其有得食就算囉!









材料:
三色椒
翠玉瓜
雞髀菇
豆腐
罐頭忌廉蘑菇湯
混合香草


 


調味料:


鮮醬油
黑椒粉


 


- 所有材料洗乾淨,三色椒去蒂去籽,然後全部切粗粒;豆腐汆水後瀝乾備用。


 


- 燒熱油,爆香三色椒,之後加入翠玉瓜及雞髀菇兜炒至半熟,盛起。


 


- 將忌廉蘑菇湯落鑊,加適量水煮開。


 


- 所有材料回鑊,加入調味料及香草,兜勻後即可上碟。






色、香、味都有齊嘅素菜,真係絕對唔會唔吸引、唔好食囉!







唔單只可以做餸,用嚟煮意粉都一樣得!


1 則留言:

  1. 緊張大師-小女人2013年1月27日 上午10:37

    唉~我一向初一十五必吃素,雖然平日都會食,三份二時間素食但昨天被老公破壞了,一定要我食肉,無奈只好吃了,我打算今天食番素,同時我一個人時大多會食素食就算了,物理治療師叫我吃長素,我本來都想,除非我一個人生活要不是無可能.你呢個幾正咁喎,無想過咁樣去整添,多謝
    [版主回覆02/02/2013 23:59:07]咁唔怪得之我咁抗拒囉!!
    [緊張大師-小女人回覆02/02/2013 15:08:11]其實大家吃素既人係怕怕那屍臭味真係架
    [版主回覆02/01/2013 20:08:40]我都最怕經過肉檔,所以好似媽咪一樣去超市買豬肉算數,一來無咁大味道,二來夏天時有冷氣地方會比較無咁易壞。
    依家一星期大約煮兩餐肉啦!
    [緊張大師-小女人回覆01/30/2013 21:41:08]以前唔會咁架,但唔知幾時開始就咁樣,我要煮比家人食無法啦只好強忍那臭味但真係頂唔順,有時吃些肉我都覺得好難受.只好盡量少吃
    [版主回覆01/30/2013 17:06:34]原來妳都係會咁,我仲以為得我一個係咁鬼麻煩呢!
    [緊張大師-小女人回覆01/28/2013 11:15:09]他要我吃少少但有時我真係唔想食,我去飲茶去街食飯會食但在家可以就唔吃,我同意你講我怕油脂的肉同我聞到一陣腐屍的味想嘔,好辛苦.
    [版主回覆01/28/2013 01:48:33]點解妳先生迫妳食肉呀?
    如果我自己一個人食,我都多數食素,除咗因為我比較鍾意食蔬菜之餘,我其實好怕處理肉類,尤其係有油脂嗰啲,處理瘦肉、青口之類就最好,完全無油!

    回覆刪除