講開噚晚整茄醬雜豆肉丸時落牛至，我真係要同大家分享一下我屋企嗰兩盆 oregano，真係快高長大到得人驚，簡直就係一隻怪物！！！
其實最初時只係 Louisa 修剪佢盆 oregano，我將佢剪落嚟嘅一小棵拎返屋企用水養，當養到大量根生出時就叫老竇改用泥種，就係咁樣開始啫嘛。我其實已經試過種好多種唔同嘅香草，但鋪鋪都種到死，唯獨係盆 oregano 就超強橫，不斷係咁細胞分裂，係咁生、係咁高！！
你哋睇，當初的一小棵香草，曾經大到要分枝，分成兩盆嚟種。
前面嗰盆生吓生吓又再分成兩個橫枝，一枝生得
比較矮 ( 相片左下角 )，而另一枝就已經
生到半個窗咁高 ( 相片正中央 )。
後面嗰盆就仲癡線，已經生到繞過前面嗰盆一圈，然後再兜番轉頭
繼續向上生，都不特止，近排仲沿住露台條去水渠一直係咁
向上生，高到差唔多到屋頂喇，你話係咪好似隻異形
咁狂細胞分裂呀！！不過呢枝分枝已經
送咗去碟茄醬肉丸度 lu！
我住你樓上咪幾好,等生到上來我要煮就剪來煮,嘩~~~正斗呀~哈哈哈
回覆刪除[版主回覆03/19/2013 21:47:40]咁都俾妳諗到？真係服妳囉！！
我都有一盆 Oregano 生得好快, 不過我盆Oregano唔同你果盆咁, Oregano 的葉子沒有那麼厚大, 你的是不是 「到手香」呢?
回覆刪除[版主回覆03/21/2013 01:48:48]唔知呀，我淨係知道佢係 oregano 咋！
[芹菜回覆03/20/2013 22:54:32]係一種香草名。
[版主回覆03/19/2013 21:46:50]「到手香」即係咩意思？是品種名稱嗎？
咁咪好囉...開枝散葉!
回覆刪除[版主回覆03/19/2013 21:45:56]如果係銀紙就仲好啦！
好勁喎，呢隻香草味係點架呢？
回覆刪除[版主回覆03/20/2013 16:11:35]我都唔係太識形容佢個味道，不過應該唔係人人接受得到，因為我覺得有少少似藥味。
睇書話呢隻香草最夾番茄，整 pizza 茄醬必落㗎，我諗妳可以試試喺個茄醬度搵出個味道。
我又係種親都C，點解你呢棵咁勁
回覆刪除[版主回覆03/20/2013 16:12:23]係囉，真係百思不得其解，呢棵可能係基因變異！！
真係好風水呀~~生得好勁
回覆刪除[版主回覆03/20/2013 16:08:59]但係可惜啲好風水只係影響到呢棵牛至，其他香草未能受惠，甚至連屋內人都未能惠及！！
太好了，我家沒直接陽光，種乜都冇好結果。
回覆刪除[版主回覆03/21/2013 22:29:06]我家有陽光，仲西斜㖭，但其他香草一樣無好下場！！
好風水 !
回覆刪除[版主回覆03/21/2013 22:28:20]但係淨係利佢囉！！
好翠綠
回覆刪除[版主回覆03/31/2013 15:09:16]係呀，不過咁多盆香草，淨係得呢棵種得咁靚咋！
回覆刪除[版主回覆08/17/2013 23:05:17]多謝！
好靚呀
回覆刪除[版主回覆03/31/2013 15:08:34]多謝妳呀！
都幾粗生喎, 我都想在田種一dhaha
回覆刪除[版主回覆04/02/2013 21:01:49]試吓種啦，呢隻香草真係好粗生。
你定係好俾心機同佢施肥喇, 睇佢生得咁壯咁挺.
回覆刪除呢隻草真係野草之王, 好適應香港氣候, 其他草好多都會係夏天熱C. 另外, oregano係多年生植物, 更有利佢粗生既本性, 其他草有部份係一年生, 種一年好好地, 開完花就byebye, 就算努力滅走花lum唔俾佢開, 棵草都係慢慢變弱. 我種basil同rosemary都係咁, 好無奈......
我都係淨得佢留得低 -- 成日唔記得理佢, 乾到泥面裂, 棵草梅曬dup曬, 但一補水, 佢兩日就嘭嘭聲返曬黎. 佢咁樣, 唔用佢就對唔住佢囉. 同你一樣, 通常加佢入意粉醬, 同做pizza. 整醎biscuits/scones時都鍾意用佢(芝士+橙皮同佢都好夾味).
你棵同我果棵唔同樣, 可能唔同品種. 我棵生到樹叢仔咁一堆野, 密D葉細D葉邊齒唔明顯. 係N年前路經'city掃巴' 買左盒裝香草返去整意粉, 一時貪玩抽左2條出黎浸水(初時0念佢由italy搭飛機過黎雪左咁耐,未必會有反應), 點知過一排佢居然出到根, 於是放入泥, 就一直種到今時今日. 係老伴, 哈哈哈.
[版主回覆08/17/2013 23:09:44]係㗎，我個 target 真係為咗食㗎咋！一來自己一手一腳種可以避免用化學嘢，二來種得好的話唔使不斷嘥錢買嗎！當然，自己都唔識種就要買囉，但唔係周圍都有得賣呢個先係問題！
你又講得好啱喎，睇 blogger 分享真係實際好多喎！好多謝你樂意跟我分享呀！！
[F回覆08/17/2013 15:01:54]咁梗係睇你自己終極目的係咩野啦. 個goal係食既, "買"當然就快靚正省啦. 個goal若係側重閑情既(食,只係當bonus), 咁"拈花惹草"先係合河車囉.
刨書好似難d, 如果係要既話, 我prefer刨園藝網站/blogs. 睇下本地人d心德有用d. 話曬配合呢度實際天氣環境嘛.
[版主回覆08/15/2013 21:52:13]嘩，咁講法，種盆香草都可能要刨好多書喎！
我已經再接再厲咗好多次㗎啦，淨係用嚟買種籽或現成盆載香草都用唔少錢呀！！
[F回覆08/15/2013 05:42:46]以前都見過雜誌有介紹過本地有人種,不過量一定少. 如果係花墟果D, 我估, 少量係本地同飛機貨(貴果D), 而大大大部份係大陸農場/溫室貨(平果D).
最後都講返, 香草如basil rosemary唔係唔種得, 好小心咁認真打理既話, 都會種到. 所以, 鼓勵你再接再厲啦.
[版主回覆08/11/2013 20:41:20]嗯，係外國入口呀，我以為係本地有農場種咋！
[F回覆08/11/2013 17:16:56]"唔通因為係溫室種植？" 咁既可能性係好大既. 亦可能係佢剛到港無耐.
and 死左果D都已經掉走左啦.
[版主回覆08/04/2013 17:09:27]哦，原來唔係因為我唔識打理而枯死，係因為香港天氣唔適合！但係點解花墟嗰度啲商戶又種到各種品種呢，仲種得好靚好大，唔通因為係溫室種植？
係呀，呢隻 oregano 真係好粗生，我查實都無乜理佢，肥都無施，只係用第一過洗米水淋花，屋內全部植物都係咁，咁佢就係咁爬高。因為我屋企啲盆栽係放露台分體式冷氣個 compressor 上面，所以其實都幾熱，但佢就一啲都唔會 dup 囉，好強橫呀！
照咁講，唔怪得之好多人都種唔到 basil、rosemary 之類啦，可能放 office 種反而仲好！