2014年1月8日星期三

2014 第一爐

        噚日卒之都開咗 2014 第一爐喇!
 
        其實都唔應該咁遲先開,原本諗住上個禮拜四 dayoff 就開爐焗麵包,點鬼知起身一睜開眼,個人都未清醒就已經頭痛,見反正都無嘢做,咪迫自己繼續瞓,休息多啲囉!點知一瞓就瞓到差唔多六點鐘先醒,見到個天咁暗,仲以為自己做乜咁早淩晨就起身,再諗清楚,記番起自己曾經醒過一醒時,係見到好猛陽光喎,只不過頭痛再瞓過,所以先知道原來自己已經瞓到傍晚六點。瞓之前見唔到太陽,起身時都係見唔到太陽,你話癲唔癲呀,瞓咗差唔多十四粒鐘!!就係咁浪費咗成日時間,無整到包囉!
 
冷宮裡面啲包餅蛋糕佳麗都清得七七八八,muffin
小姐更加係一個都無,第一爐就整佢啦,反正
做早餐又得,餐與餐之間頂肚又得,得
咗!






踏入 2014 年,學生 Charmaine 改咗由我上門
去教佢,話哂都叫做新年第一次見面,送幾個
muffin 俾佢做見面禮,氹吓佢開心啦!
 
 
 

6 則留言:

  1. 訓左十幾個鐘都幾驚人喎。

    回覆刪除
    回覆
    1. 無法啦,快樂不知時日過嘛,哈哈!

      刪除
  2. 太幸福了...我可以瞓多過四個鐘都好滿足呢!

    回覆刪除
    回覆
    1. 但係咁樣頭痛法嚟瞓咁多的話,我寧願唔夠瞓好過囉!我呢啲頭痛唔係一般頭痛咁簡單,食普通 panadol 係無用㗎,痛起上嚟個腦好似俾嘢逐吓逐吓打落嚟,好難頂,痛到反胃想嘔,又似發燒周身唔聚財,有時真係腰都攣埋㗎!

      唔係嘛妳,每日都只係瞓得四個鐘度咁慘!?

      刪除
    2. 妳手痛都好呀,最多都係做嘢唔方便,但頭痛就攪到個人好唔妥,精神同情緒都好影響,完全做唔到嘢呀!!妳到依家都仲未完全康復嗎?

      刪除