泰式湯芋絲

        啲嘢收收埋埋，擺得耐真係會完全無咗件事！早前執櫃時先發覺老表之前買俾我包「Blue Elephant」湯料醬仲未用，好彩呢啲醬料真空包裝可以放好耐，趁記得就即刻整咗佢。

 

 

自製米粉及年糕

         之前都已經跟過兩個食譜去整韓國年糕，但始終都係唔夠滿意，質感硬係差啲，原來整嚫韓國食品最好都係跟番 Maangchi 姨嘅方法比較穩陣，包無失手，今次即管又試吓跟佢嘅做法，果然一擊即中，完全就係跟賣返嚟嘅年糕一模一樣咁煙韌！

        睇番 Maangchi 姨個網頁，有更加詳細解說資料，原來整年糕一定要用短身米至整得到，唔可以用長身米，短身米即係珍珠米、上海米之類；而長身米就係粘米、絲苗、泰國香米之類，難怪上兩次用粘米粉整唔到啦！！呢次醒咗喇，跟 Maangchi 姨用珍珠米打成米粉，之後再整成年糕，真係估都估唔到原來自己都可以做得到咁幼細嘅粉。至於之後整年糕，佢就係教用樁嘅方法去做，我當然無佢咁好精力慢慢樁啦，用麵包機代勞咪得囉，快靚正呀！！

 

雪梨雪耳姬松茸湯

        煲呢個湯完完全全體現到咩係就地取材：

 

供過佛嘅雪梨唔想就咁食，最好就係要嚟煲湯。

 

想啖湯甜啲，加幾粒紅棗就攪掂！

 

再想個湯香濃啲嗎？加姬松茸。

 

要有湯飲之餘又想有多點湯渣做埋餸，落埋雪耳囉！！

 

 

番茄南瓜黃豆餅

       唉，越嚟越無煮意，個腦越嚟越閉塞喇！！認真咁講，要自己煮飯的話，真係好難完完全全唔食肉，因為少咗肉食揀的話，更加少選擇，最慘係自己又唔多鍾意將菜式短時間內重覆再煮，起碼都兩、三個月後先再翻煮多次。如果有人煮埋俾我食的話咁又唔同，總之唔使自己諗煮乜餸就食乜都無所謂！

 

        依家開始乜到放埋一鑊熟就算，無乜點去深究過味道夾唔夾，總之入得口就算，簡單方便為上，呢個菜式就係其中一個例子！！

 

韓醬涼拌青菜 Doenjang Muchim ( 청경채 무침 )

        之前有 blog 友問我係咪好鍾意食韓國菜，其實都唔係有偏好，只係自己一直都唔多願食粵菜，所以不斷試整唔同國家菜式或中國外省菜，咁啱 Maangchi 姨教整嚫嘅嘢都唔難煮，而且仲要韓國菜好多時都係偏辣，開正我個瓣啫！ ^^

 

       呢次就跟佢整個超容易嘅涼拌青菜，我都照樣跟佢用小棠菜整呀！真係超簡單易做，三兩下手勢已經攪掂。

 

 

黑糖缽仔糕

        其實呢次都唔係第一次整缽仔糕，只係上次整完之後就掛住食無影到相！！ ^^"

 

        前個禮拜都係參考番仙姐個食譜去整，不過就唔用片糖，而係改用咗老表喺日本買返嚟嘅沖繩黑糖嚟整。

 

 

豉椒味菜豆腐

        我自己都幾鍾意整豉椒味菜嘅菜式，若果無乜好煮意的話，好多時第一時間就諗到豉椒味菜，煮葷又好，煮素又好，都一定係惹味開胃，飯都食多碗！

 

 

好耐無蒸蛋糕

        原來已經成兩個禮拜無 update 個 blog，做我哋呢行，一有長假期的話，個 schedule 就會打到亂哂，因為學生們會出外旅遊或趁假期補課，又或者係加堂準備考試，所以都會比較忙；加上上個禮拜又中招，今次雖然無失聲，但就勁咳勁流鼻水，仲肌肉酸痛兼頭痛，攪到乜都無心情做，連 blog 都唔願寫，所以嚟緊一有時間就會進行 “清貨”，疲勞轟炸大家哦，呵呵！ ^^"

 

        先嚟講吓早前喺 Facebook「素食青年」群組的分享，之前上載咗蒸蛋糕嘅相，估唔到有咁大反應，當晚九點幾十點先 upload 相片，唔夠兩個鐘已經超過 130 個 like，仲水蛇春咁長嘅留言要求分享食譜，真係完全估佢唔到呀，因為覺得蒸蛋糕都係啲比較簡單易做嘅糕點，而且大部份人都會比較鍾意西式糕點多過中式蛋糕。後來睇清楚哂所有留言就明白箇中原因，大部份素友都話細個時必定食過，依家已經好耐無食，好想自己能夠整到嚟食，追尋番兒時味道，兒時回憶！

 

 

近日的素食

       分享完肉食，又同大家分享一下呢兩個禮拜我嘅素食。

 

 

清雪櫃兼懶到爆

        早前打開冷宮摷嘢，搵極都搵唔到，最後拎哂所有嘢出嚟都唔見，應該又係老人癡呆，食哂都唔記得，不過就俾我喺最角落位置見到包久違了的雞腳，真係完全無印象，咁就最好跟手處理埋佢，用咗個最懶嘅方法：鹵！！咁就可以順便清埋雪櫃枝瑞士汁，一舉兩得哦！

 

 

米粉英式鬆餅 Rice Flour English Muffin

        原來亞洲人同歐美人整 English muffin 嘅方法好唔同，外國人嘅做法簡單隨心好多，將麵糰分割、壓平後直接作第二次發酵，然後放白鑊內烘烤至金黃就攪掂；至於亞洲人，甚至 cook book 食譜都會將麵糰放入圓模內，再壓上金屬盤作第二次發酵，然後入爐焗，做出一個外觀比較四四正正嘅鬆餅。

 

        之前我已經試過入爐焗，今次就玩吓用鑊烘烤先！