近日的素食

       分享完肉食，又同大家分享一下呢兩個禮拜我嘅素食。

 

 

香草烤南瓜、韓國海帶豆腐麵豉湯，仲有麵包配油醋汁。

第一次整烤南瓜，平時多數都係燜同蒸，但因為南瓜水份

高，加熱後好易出水，甜味流失，放入爐焗就將

水份蒸發走，味道反而濃縮咗，更加好食。

 

 

 

 

 

 

又係我至愛嘅 pumpernickel。

除咗麵包，仲有雜豆沙律。

紅腰豆、三角豆、醃酸青瓜同乾蔥，仲有紅莓乾，

簡單加上日式芝麻醬已經好好味。

 

 

 

 

 

 

呢碟係用鹵過雞翼雞腳嘅瑞士汁炒雜菌，包括猴頭菇、

雲耳、冬菇、鮮白菌同雞髀菇，再加少少豆瓣醬，

不單可以調味，仲可以幫下手去濕，

中醫成日都話菇菌好濕嘛！

 

 

 

 

 

平時我整 focaccia，面頭都會灑少少蒜蓉；

煲雜菜湯就一定會落洋蔥，因為可以

令到個湯又香又甜，但因為呢餐

係十五嗰日食，所以兩樣

五辛都無落到。