噚日去菜檔買絲瓜，因為依家地方淺窄嘅關係，好多時啲嘢都係放入檔口內，無得自己揀，只可以叫檔主拎俾我，菜檔姨姨揀好兩條絲瓜，秤好兼計好哂錢話俾我聽後，突然又換過第二條俾我，我問佢做乜事，係咪爛，菜檔姨姨話唔係，只不過好老，話我成日幫襯買慣買熟，唔俾嗰條我喎，之後仲收平我㖭！
其實我都絕少好似啲師奶咁同啲檔主 / 阿姐打牙較，係粉麵檔個哥哥就會講多兩句，不過佢哋真係認得我，所以好多時都會話我知邊樣好邊樣唔好，有時仲會教埋我點揀。
呢兩條絲瓜都真係幾靚，最重要係 "坑紋" 比較淺，
即係唔使刨好多皮就攪掂，如果 "坑紋" 深兼
又粗又硬的話就要刨好多皮，唔見
食呀，咪變相貴咗囉！
今晚用咗嚟炒素烤鴨。
呢期絲瓜正，滾湯一流~~~
回覆刪除係呀，剛剛食過好清甜呀！
刪除買慣買熟就最好，有個信任呀
回覆刪除係呀，所以我都同個菜檔姨姨講，我一入街市第一檔就梗係行去佢嗰度。
刪除喱兩條絲瓜真係好靚。
回覆刪除係囉，要多謝個姨姨呀！
刪除絲瓜好清甜，夏令蔬菜最好之一種。
回覆刪除哈哈！其實我都鐘意去Ｄ買慣買熟嘅地方買嘢，之不過我也曾遇到過一Ｄ"黄皮樹了哥"呢！
絲瓜係每年入夏必食哦！
刪除正所謂一樣米養百樣人嘛，咁當然會有呢類人啦！
你條絲瓜好靚~無錯，坑紋深要刨好多皮，同埋食落"鞋"D架~~
回覆刪除係呀，真係好靚！
刪除想唔嚡口就要刨得更加深，見唔到深綠色外皮就差唔多喇！
我都係同你一樣，買開嗰檔就嗰檔，除非佢冇嗰樣賣，都會同啲人打牙較
回覆刪除始終女人會比較多嘢講兼易溝通。
刪除嗯!難怪啦!好耐才偶然去街市買水果或菜，如果我叫檔員幫我揀d靚，差不多一定唔會太靚。。其實自己又不太懂得挑選。。就例如6,7月買2次芒果，好辛苦拿返去唔係黑心就係酸到難以入口
回覆刪除係㗎，如果妳唔係幫襯慣的話，檔主肯定唔會揀最靚嘅俾妳，唔揀壞嘅俾妳都偷笑喇，好嘅梗係留番俾熟客啦，呢個都係人之常情。
刪除至於芒果，我估應該就唔關檔主事喇，因為老友話過我知，呂宋芒係 4、5 月當造，過咗呢兩個月之後就唔靚㗎喇，又唔香又唔甜，一定係帶酸，明年請早喇！！ : )