呢兩日天氣跟之前真係完全兩回事，唔單只氣溫低咗唔少，仲好大風、好涼爽㖭！夜晚瞓覺時唔使開風扇之餘，瞓瞓吓仲凍醒要搵被冚！
今朝因為無特別事要做，所以瞓到好晏先起身，頭兩餐合拼埋一餐食，食完之後就出門去教琴。正當一砌準備就緒，諗住影完相就開餐之際，突然收到 Ada 電話，問我係咪好大風好大雨，我話無雨落，只係好大風，咁 Ada 就叫我不如立即過去同妹妹上堂，好過之後大風大雨時要出街，咁我當然係 say yes 啦！所以我就嗱嗱聲換好衫，塞隻蕉落肚就出門口，最終教完返嚟六點鐘先食第一餐呢！
用剩餘物資都可以係健康呀。我的魚都係放冰櫃啦。唔通日日去釣游水魚，摘新鮮蔬菜咩。
回覆刪除啲人成日都話蔬菜唔好放雪櫃太耐，煮好嘅就要即刻食，唔可以隔夜嘛！
刪除健唔健康睇你食咩同點煮啫，一睇就知你D剩餘物資健康啦~~
回覆刪除哈哈，多謝妳咁欣賞我啲剩餘物資呀！
刪除您Ｄ食物材料都好健康，但您Ｄ食飯時間就唔健康了，三餐合埋一餐食，對個胃唔好呀，飲食要定時先健康咖 ＞＝＜
回覆刪除唔係咁誇張，只係兩餐走埋一餐啫！平時都係定時用餐，只係呢日突發情況啫！
刪除贊同，食物配搭好健康，必要ge營養都齊哂，但搞到6點先吃...
刪除打包左先，有機會吃就咬兩啖嘛
ps. 我成日同老公講，我肚餓會發癲，一發癲就會起勢咁咬佢，所以千其千其唔好餓親我~~:p
哈哈，妳咁都得呀！！ XD
刪除因為我返工時間嘅關係，我好晏先起身，通常三餐時間係 12 - 6 - 12。