前幾日原來 Louisa 有去到 Rachel 個 Petite Paris party，不過，因為佢係玩即興，突然間帶 Genevieve 一齊去，所以就無應大會要求著上藍、白、紅衣飾。
Louisa 當日都買咗幾款仙姐親自製作嘅糕點，其中一件，係專登買俾我試吓 o架，係咩嚟？咪係人所共知嘅 "鮑魚" 囉！
因為影相果一刻仲未食，所以無搣開塊膠紙嚟影相。
鮑魚中間唔係平時果隻焦糖醬，今次係藍莓醬，雖然我未食過焦糖醬嘅鮑魚，但係我諗起都覺得應該好甜，所以我認為呢個藍莓醬應該會更加好食，酸酸甜甜，食落會無咁膩。
同場加影：玫瑰慕士半圓球蛋糕
呢個 mousse cake 係 Louisa 整 o架！
最外面紅色果層係脆朱古力噴醬；中間粉紅色係玫瑰慕斯，
中間頂層黃色係 creme brulee；中層係蛋糕；
而最底層紫色係荔枝。
個蛋糕都 OK 好味 o架，不過我自己就略嫌酸咗啲，所以 Louisa 一早就話呢個 cake 實啱 "酸精" Winnie 食，不過啱佢食都無用，因為長途跋涉由馬鞍山拎到返屯門，都唔知會變咗舊咩喇！！
幾好喎, 有老朋友記為您送上美點, 特別是仙姐的'鮑魚' 和她親手做的蛋糕.
回覆刪除[版主回覆10/07/2010 11:30:00] 呢個簡直係老友兼死黨啦！
你就好啦! 有咁正嘅嘢食, 羨慕死我啦~~
回覆刪除[版主回覆10/07/2010 11:31:00] 唔駛羨慕，妳都可以整俾自己食，滿足一下自己嘛！
兩件都好吸引呀，我都算係半個酸精，prefer酸甜嘅甜品多啲！
回覆刪除[版主回覆10/07/2010 12:48:00] 係呀，酸酸甜甜反而食落無咁 "漏"，感覺清爽 啲！妳整 嘢食咁叻， 呢兩樣實難唔到妳啦！
點解要黐張膠紙呢 個 mousse cake 睇嚟好好味咁
回覆刪除[版主回覆10/11/2010 02:37:00] 我 諗張膠紙係用 嚟防止整 "花" 個面 啲藍莓果醬。