老竇最近幫我接咗個 order 整生日蛋糕，主人翁指定要整 mango mousse cake，因為佢好鍾意食芒果。我一聽到呢個 order 就真係頭都大哂，呂宋芒都已經唔係當做，就算有得賣都唔慌靚啦，其他品種嘅芒果又得個甜字，完全唔夠香！
本來我都諗住問對方轉其他口味得唔得，但 Winnie 話對方開得口就梗係好想食芒果啦，Winnie 話佢之前買落好多芒果，一早打成果蓉放入冰格，佢可以讓俾我整蛋糕。
噢，生日主人翁有芒果蛋糕食，真係要多謝 Winnie 割愛呀！因為當日咁啱佢都要整三個 mango mousse cake 俾阿爸擺生日酒呀！咁佢依家其中一個蛋糕就要改成用榴槤整，真係唔好意思喇！！
Winnie，唔該哂！！
除咗用芒果蓉整 mousse，仲去超市買多兩個新鮮芒果切粒鋪面裝飾。
雖然都係呂宋芒，但無論香味同食味同當做時真係差好遠呀！
雖然都係呂宋芒，但無論香味同食味同當做時真係差好遠呀！
因為一般 mousse ring 都比較矮身，所以就叫老竇走去買塊膠片
返嚟團邊，加高後就可以整到面頭嗰個啫喱層喇。
返嚟團邊，加高後就可以整到面頭嗰個啫喱層喇。
今次能夠順利成功整到靚靚 mango mousse cake，真係要多謝 Winnie，
除咗因為肯割愛之外，喺整呢個慕斯蛋糕上佢都俾咗唔少 tips 我，
因為佢每年都會為家人同老友整幾個 mousse cake 㗎，
簡直就係熟手技工啦，哈哈！！
除咗因為肯割愛之外，喺整呢個慕斯蛋糕上佢都俾咗唔少 tips 我，
因為佢每年都會為家人同老友整幾個 mousse cake 㗎，
簡直就係熟手技工啦，哈哈！！
我依家有時都仲見某d果檔仲有唔錯既呂宋芒,都幾大隻同靚架..不過就真係唔多囉..
回覆刪除你呢個慕士餅正啦.超多料
[版主回覆08/02/2012 00:52:00]我喺鵝頸橋街市都見到有得賣，仲隻隻都勁巨型，但無理由賣咗之後拎住佢周圍走去學生屋企㗎，前世未辛苦過咩！
面頭用咗兩隻中size芒果切粒呀！
好靚呀
回覆刪除你老豆係你既經理人
[BK回覆08/02/2012 11:11:10]咁誇
[版主回覆08/02/2012 00:49:09]多謝呀！
佢係我經理人！？咁我就死得囉，我倆要瞓天橋底喇！
What a lovely cake!
回覆刪除[版主回覆08/02/2012 00:47:07]Thank you!
真係好彩有winnie咋, 如果唔係都唔知點好
回覆刪除[版主回覆08/02/2012 00:46:52]真係無的話，唯有叫主人家轉口味囉！
有生意....發達喇你!
回覆刪除[版主回覆08/04/2012 20:57:42]好過無咁啦！
平時都有寫食譜嘅, 今次整得咁靚又唔寫出黎!
回覆刪除[版主回覆08/13/2012 00:53:09]妳私留個 e-mail 俾我啦，所有出品 under 「美味再重溫」同「接柯打糕餅」的話，我都唔會寫食譜㗎喇，我 send 食譜俾妳，妳睇完一定識做㗎喇！
[芹菜回覆08/12/2012 23:29:59]咁等你得閒先綜合晒D食譜再寫出來俾大家分享下喇 ! 唔該晒 ! ^^
[版主回覆08/11/2012 22:06:10]妳想要咩？呢個蛋糕係我參考幾個食譜而變化出嚟，因為太繁複、太多步驟，無時間慢慢寫呀！妳想要的話，我可以 send 幾個原食譜俾妳參考！