前幾日喺街市見到彩椒平番好多，只賣 $6 一盒，如果無老人癡呆的話，記得曾經最貴賣過 $12 㗎，所以今次唔買都真係對唔住自己囉！今次買到呢盒三隻色嘅燈籠椒都幾大隻，所以每隻我都切起 1/4，留起嚟做好耐都無整過嘅甜椒 scone。
原本食譜應該係用中國嘅蔥嚟整，但係手頭上無，無理由為咗咁走落街
買條蔥咁戇居㗎！所以我就用咗乾蔥頭同蒜頭代替，
但係風味真係好唔同，完全無乜香蔥味！
今次刻意切到大大件，食得更加滋味！
勁多彩椒呀！今次我仲落咗啲辣椒粉落去整，味道唔錯㗎！
與 blog 友交流煮食心得，分享生活點滴。
6蚊一盒?我樓下街市18蚊/盒已係最平架啦..
回覆刪除凡係乾香草都最好用油爆下先出味.呢個好健康啦.望落仲好七彩添...
[毛豆回覆07/03/2012 00:12:05]用油爆意思係將佢既香味釋放出黎咋..好少油已夠.
[版主回覆07/02/2012 16:33:46]我諗妳見到嗰啲係來路貨，又新鮮又有機囉！
我今次唔記得落乾香草呀，沒淨係用咗乾蔥頭同蒜頭咋！下次要醒目喇！
不過用咁多油脂去整都唔見得幾健康囉！
果樣好得，不過我唔鐘意食。
回覆刪除[版主回覆07/20/2012 17:26:17]妳唔鍾意食 scone？
彩椒scone ?又幾得意喎
回覆刪除[版主回覆07/20/2012 17:24:56]係囉，真係不時不食呀！