2012年7月27日星期五

自家製熱狗 Homemade Hot Dog



呢個禮拜係咁落雨,真係落到人都煩,依家好想死,因為頸膊肌肉都酸痛呀!!



 



Dayoff
想整包,但係個人又咁鬼死唔妥,都唔多想郁,但係唔整又無得食,所以就揀咗個最易做嘅熱狗嚟整喇!





 






材料:

高筋麵粉  
135

即用酵母  
2

    65 毫升

    1


    15

蛋液   14

橄欖油    
5

炒香芝麻  
適量



-
將麵粉、酵母、鹽、糖同蛋液倒入食處理器內混合,逐少加水搓至起筋。




-
之後加油,開機繼續搓成麵糰。




-
將麵糰拎出,放上已灑粉嘅枱面,繼續搓揉及摔打成光滑麵糰。




-
將麵糰滾圓,放入已灑粉嘅兜內,用保鮮紙封好,發酵 45 分鐘。




-
麵糰平均分割成 3 份,分別滾圓,靜置鬆弛 10 分鐘。




-
用擀麵棍將麵糰擀平成橢圓形,之後捲起麵糰,捏緊收口。




-
用擀麵棍將收口位置略為壓平。




-
噴濕麵糰表面,然後沾上芝麻,放上已墊入爐防黏蓆嘅烤盤上,最後發酵 45 - 60 分鐘。




-
放入已預熱至 180
嘅焗爐內,焗約 20 分鐘即成。



 



以上材料份量可做大 size 熱狗 3 個或中 size 熱狗 4 個。



 



食譜出自雪媽媽嘅《自家製麵包》。


 

最後發酵前將麵糰表面滾滿芝麻。



 

熱狗簡單易做,仲可以隨個人喜好加入不同餡料同醬料,
加上熱辣辣出爐嘅熱狗,表面焗得非常香脆,
你會忍得住口嗎?






Notes

-
原食譜中所用嘅油脂為牛油 10




- 沾上芝麻前,麵糰表面亦可塗上牛奶或蛋液增加色澤。

8 則留言:

  1. 睇咗醫生未呀, 好d休息啦
    [版主回覆07/29/2012 23:32:43]多謝關心呀!
    [緊張大師-小女人回覆07/28/2012 14:12:17]好好保重呀,身體係自己的,不要太操勞呀,保重保重
    [版主回覆07/27/2012 19:00:28]唉,我都想有得睇呀,但係風濕無得醫呢!

    回覆刪除
  2. 正哂啦...除左當熱狗鹹料...仲可以0者cream入去,咪好似奶油包咁囉...

    我都好唔明之前話打唔成風3日雨..但呢次10號風都打完都仲日日落狗屎..煩到爆..
    你手搓同摔打係咪都2百下咁先得呀...
    原來要擀平再捲起收口...我以為就咁搓條形咋..其實咁樣得唔得呢...會有咩分別呢
    [版主回覆07/30/2012 00:48:19]但係從來無人咁做㗎喎,一定係壓平或擀平後捲起㗎!
    [毛豆回覆07/29/2012 23:47:19]嘩..大哥..乜你呢期理解力咁低哂架..
    我係話搓圓再搓成長條呀..唔使再捲架啦..搓一"條"形呀...
    [版主回覆07/29/2012 23:37:47]整到有薄膜即係個麵糰搓得靚,發酵時會發酵得好啲,焗嘅時候又會爆得好啲!
    妳唔擀薄的話,就咁捲起咪整到欖核形囉;擀薄後先捲頭尾會無咁尖,同埋會易捲好多。
    [毛豆回覆07/27/2012 19:27:28]但一樣整到好軟熟咁,仲使乜要膜呀?
    我係話搓圓再搓成一條呀,咁係咪一樣呀?
    [版主回覆07/27/2012 19:06:01]奶油妳又啱?呢款我未食過喇!
    係囉,依家係打成風成個禮拜雨!!
    "手搓同摔打係咪都2百下" ,如果係咁,我寧願買嚟食好過囉!我好求其㗎咋,放入機成麵糰後,再人手搓打都係幾個字時間就算數喇,所以我整麵糰咁耐都未試過有薄膜㗎!
    擀平先捲咪會實淨啲囉,況且唔擀薄,咁厚都捲得唔靚啦!

    回覆刪除
  3. 芝麻熱狗好正喎!但好大工程
    [BK回覆07/30/2012 13:49:30]唔舒服要休息多D食下白粥咪好
    [版主回覆07/29/2012 23:32:48]大工程?唔係啦!如果係的話我就唔會揀個人咁唔舒服嗰陣時整啦!

    回覆刪除
  4. 緊張大師-小女人2012年7月28日 下午2:11

    我自德國回來對熱狗念念不忘呀,以前有整過一家人吃,近排無食添,等我又學你咁自家做,但你無抺蛋漿只用水噴才上芝麻對嗎?
    [版主回覆08/06/2012 00:23:58]功多藝熟就真嘅!
    [緊張大師-小女人回覆08/05/2012 16:32:14]哈哈哈,你呢個唔入流既半初哥總比我這新丁要好多啦,大家一同努力啦.
    [版主回覆08/03/2012 20:23:13]唔係叻,係我厭麻煩唔想諗辦法處置佢啫!
    加油呀,整多啲,有經驗就會好,我其實都只不過係個唔入流嘅半初哥!
    [緊張大師-小女人回覆08/02/2012 08:38:18]因為我技術還不夠要慢慢多搓才行,所以只能搓到圓或平平的包包,哈哈哈
    明白啦.有時我都煩架,用完蛋液留下的點算只好用來煮食呀,你呢個方法可以省蛋,
    叻叻叻
    [版主回覆08/02/2012 00:59:02]點解呀!?
    妳意思係麵糰材料的蛋液嗎?有時我唔想為咗用少少蛋液又走去打隻蛋,都係用水代替,都唔會有咩事喎!
    [緊張大師-小女人回覆07/30/2012 13:11:34]我完全搓唔到你呢個型.....死火啦,其實用蛋同用水有無分別呀?請問?
    [版主回覆07/29/2012 23:30:55]德國熱狗腸仲正呀!
    係呀,唔用蛋液,淨係噴水。

    回覆刪除
  5. 我鐘意加茄汁同芥辣。
    [版主回覆07/29/2012 23:29:59]茄汁 "匿埋" 咗喺香腸下面,而香腸面頭嗰啲就係芥辣呀!

    回覆刪除
  6. 比我會買嚟食算喇
    熱狗我都好like呀 下次整預埋我吖 hehe
    [版主回覆07/29/2012 23:28:57]熱狗好似唔係隨處可以買到喎!
    預埋妳?無問題,咁妳咪唔駛自己整囉!

    回覆刪除
  7. 熱狗
    [wtm246回覆07/30/2012 16:58:05]至愛之一啦!
    [版主回覆07/29/2012 23:27:08]妳的至愛?

    回覆刪除
  8. 美國化呀?
    [版主回覆08/04/2012 20:57:01]點為之美國化呀?加番茄、青瓜?

    回覆刪除