2012年8月24日星期五

黑森林蛋糕



又試感冒失聲喇,雖然今次唔係太嚴重,但係就成身 “lai lai”,周身唔自在,仲要接老竇個 friend order 整黑森林蛋糕㖭!



 



今日整蛋糕真係心不在焉,加上天氣又熱到爆,

cream
一路抹一路瀉,真係嬲到我呢
~ ~ ~ ~ ~ ~
!!




後尾求求其其咁抹
咗一 ” cream 先,然後即刻放入雪櫃雪凍,
跟住就走去瞓咗半粒鐘休息,瞓醒之後再抹過,
果然好好多,無咁瀉身喇!





個樣都過得去吧!整咁多次蛋糕,今次係最無心機、最無耐性嘅一次呀!


7 則留言:

  1. 唔舒服多d休息同飲多d水呀, 呢d天氣真係好討厭
    [版主回覆08/25/2012 23:01:31]係啦,真係好鬼死煩!依家好番好多㗎喇,多謝關心!

    回覆刪除
  2. 唔係狀態就唔好接order啦..搵苦黎辛.仲要咁既天氣抆cream...
    [版主回覆08/25/2012 23:00:27]成個禮拜前接㗎,嗰陣時唔會預測到自己病嘛,接咗之後又唔想臨時前一日推咁衰格!

    回覆刪除
  3. 好好休息下!!
    [版主回覆08/25/2012 22:58:57]食咗藥好好多喇,多謝關心!

    回覆刪除
  4. 保重啊!
    [版主回覆08/25/2012 22:58:47]食咗藥好好多喇,多謝關心!

    回覆刪除
  5. 緊張大師-小女人2012年8月26日 上午10:42

    拿~個賣相雖然簡單但都不過不失,放心,朋友應會收貨,但現在咁熱就真係要開冷氣才可以整忌廉,要不是咪好似你咁,但講真的真的不錯.你送給我就實滿意收貨的
    現在好番未呀,你要多飲水多休息才是,不要再整啦
    [緊張大師-小女人回覆09/04/2012 18:51:14]可能我好幸福,怕死係我唔想咁早咁快離開的原因....我滿足知足開心又快樂.父母在堂咁無乜特別因由,個天唔收我條命時我無想過要死架,但當來到咪走,好自然的事,學佛不就是要看輕嗎?不會太在意太執迷.
    [版主回覆09/01/2012 00:40:34]放心,我又唔會自殺,只不過唔覺一般人咁怕死啫,起碼係件好事!
    [緊張大師-小女人回覆08/29/2012 10:57:08]傻孩子,你呀媽都打番你返來呀,咁都得....掛念可以用好多不同形式的,你乖你媽媽知,我都知你好孝順難得難得,但唔好想咁早去見媽媽啦,日光日白做緊夢
    [版主回覆08/29/2012 02:44:02]攪錯呀,我可以見番媽咪妳應該戥我高興至係㗎!
    [緊張大師-小女人回覆08/27/2012 17:34:46]咁又係,老人家不停同你接真無奈,同我媽一模樣,但我媽好活躍去好多老人中心,又有好多朋友又去看唱戲,所以成日接到,我現在叫佢唔好啦,我壓力好大的因我真係未整到咁好的生日蛋糕,我只整其他的如卷蛋,檸檬蛋糕條呀,戚風,曲奇等等,但我只收利是,由他們封幾多都好,起碼我又可以練習又有番一些材料錢.都不錯的,你如忙不要回我啦,不想增添你的麻煩,你多休息啦,唔係好想你咁早去回媽媽呀.
    [版主回覆08/27/2012 13:49:04]我咪又係一樣,又開冷氣又開爐,妳話我係咪等於焗桑拿喇!!
    嘩,我邊有成日接 order 呀,間中先一次咋!因為係老竇啲 friend,我幾唔想整都要整,費事佢無面啦!至於價錢,我只係話俾我老竇聽用咗幾錢材料,到時等佢哋自己傾,所以我都唔理賺幾多,純粹係人哋睇得起你,你又要俾番面人㗎咋!
    哈哈,保住條命仔,早啲同媽咪重逢咪重好!!
    [緊張大師-小女人回覆08/27/2012 09:19:07]啊,咁你同我一齊喎,我又係一開冷氣廚房就熱爆架,完全知你情況,我個焗爐放係廚房所以我好少開爐時又開冷氣的.
    你都接好多訂單喎,我媽人緣好廣,成日同我接生意,但我技藝無成熟,好多都做唔到,如你唔介意假如再有交俾你整好嗎?但可否比我知一磅蛋糕幾錢呀,好似你呢個又收幾錢,咁我心中有數.
    若你休息完後感到痊癒一點點,人精神好一些,那你找對了休息方法了,忙完再好好抖一抖啦,朋友~不要忘壞自己,雖我知你係辛苦勞碌命但都要保住條命仔架
    [版主回覆08/27/2012 01:55:08]唉,妳有所不知喇,因為我部分體式冷氣機個 compressor 係放喺廚房對出個露台度,所以如果開冷氣的話,成個廚房就更加熱!除非喺客廳度整啦,但我咁 "論盡",實攪到個客廳周圍都污糟哂!
    個 presentation 算係咁啦,喺咁嘅狀態下整,真係無乜心機呀!
    依家好番好多,等緊開聲,今朝一早教完琴到 12:30pm 就又瞓過,瞓到 3 點鐘起身,整咗一輪嘢之後到 7 點鐘度又瞓多半粒鐘,跟住起身又要煮夜晚嗰餐俾老竇食,就係咁全日一味瞓,lunch都唔駛食!
    9月中仲有個蛋糕要交貨呀!

    回覆刪除
  6. 小心身體
    [版主回覆08/29/2012 02:42:30]多謝關心呀!

    回覆刪除
  7. 咁熱就開冷氣嘛 !
    [版主回覆09/01/2012 00:44:50]我好多年都無開冷氣喇!

    回覆刪除