2012年8月13日星期一

焦糖南瓜雪糕 Caramel Pumpkin Ice-Cream



每年一踏入夏天,我就好想整雪糕。雖然我一向好少飲同食凍嘢,但係雪糕就好多時都會食,行行吓街,想食嘅時候就會走入「麥記」買杯新地食。

 



今年遲遲都未整雪糕,皆因個冰格成日都 常滿” ( 如果荷包係咁就好囉 ),根本無位放雪糕。咁啱之前要整芒果 mousse cake
咁就迫住要清倉,騰空個位出嚟雪個蛋糕。



 



趁個冰格依家都仲有個 窿,仲未回復爆棚狀態,快快手整咗我一直好想整嘅焦糖南瓜雪糕先!





 





南瓜雪糕




材料:

南瓜肉  
450

 
160
毫升


蛋黃    
4


  100

淡忌廉  
350




-
先將 100 南瓜肉切成細粒,之後隔水蒸至剛好腍身,攤凍後放入雪櫃保存。




- 剩餘嘅南瓜肉蒸至完全腍身,之後用叉壓爛成南瓜蓉,備用。




- 蛋黃加糖,用電動打蛋器打至發白濃稠;與此同時,將水煲至就快水滾嘅狀態。




-
將熱水逐少加入蛋糖混合物內,邊倒邊攪拌,之後兩倒回煲內,用慢火加熱煮至濃稠。




-
煮好之後略為攤凍,之後拌入南瓜蓉,當完全冷卻後就放入雪櫃雪約 4 個鐘或過夜。




-
淡忌廉座冰水打發至 9 成企身,然後將南瓜蓉混合物倒入,完全混合後就放入冰格。




-
2 個鐘之後,雪糕開始雪硬,用電動打蛋器打鬆,然後放番入冰格內,再雪約 1 個鐘。




-
當雪糕再次就快變硬時,再一次打鬆,放回冰格。




-
約半個鐘後,再次打鬆,之後再重覆做多一次即可。



 

 



焦糖漿



材料:

  120

  2 茶匙


熱水     4 湯匙




-
將糖同水放入煲內加熱,邊煮邊搖動煲身,令糖水均勻受熱。




當煮到自己鍾意嘅焦糖色澤時就可以熄火,立即倒入熱水拌勻,攤凍備用。



 

組合

- 先將南瓜粒加入雪糕內,用膠刮拌勻。



-
之後倒入焦糖漿,大致拌勻就可以停止。



-
將雪糕倒入容器內,放番入冰格雪到完全硬身即成。



本身南瓜味唔係太出,但當一食到南瓜粒時就即刻知道,
反而個焦糖味就好突出。




你話依家天氣幾熱呢,一路影相,個雪糕就一路影一路溶!







Notes

-
如果想雪糕食落更加順滑的話,可以將蒸熟南瓜肉放入攪拌機內打成南瓜蓉。




-
煮蛋糖混合物時,一定要用慢火耐心地煮,否則蛋黃好易被煮熟並凝固成粒狀。




-
若果大部份蛋糖混合物真係煮到凝固的話,可以先離火,稍為攤凍後倒入攪拌機內攪打,之後倒番入煲內再次煮至濃稠即可。




-
由於焦糖溫度非常高,倒入熱水時一定要小心,避免被焦糖液濺到身上。




-
若果用雪糕機整的話,可以將淡忌廉同南瓜蓉混合物直接倒入機內製作,完成後再拌入南瓜粒同焦糖漿。




- 將焦糖漿倒出後,煲內仍會留著一層已凝固焦糖,你可以倒入適量水或奶,再次加熱至焦糖完全溶解,之後用嚟沖咖啡,就能夠做出一杯焦糖咖啡喇!

6 則留言:

  1. 緊張大師-小女人2012年8月13日 上午9:28

    我同你一樣,我想整雪糕好耐呀,但個頂滿晒,咁咪代表荷包有米囉,要不是怎可以買到滿晒呀,我又要整呀,我剛用了一包牛燴紅酒,但仲有好多...你呢個我亞媽最like...南瓜佢鐘意呀
    [緊張大師-小女人回覆08/18/2012 14:52:13]噢,明白了.
    [版主回覆08/18/2012 01:26:42]因為我唔飲奶嘛,所以咪改用水囉!但應該唔關事㗎喎!?
    [緊張大師-小女人回覆08/16/2012 16:46:58]全對,我急不及待要做啦,但想問下我睇過好多不同的食譜只係你呢個用水,會否這原因才容易溶呀加上天氣又熱添?我只係多口問句因為我唔懂.
    [版主回覆08/15/2012 19:44:14]唓,全部都係急凍雪藏貨色,有幾值錢呀!
    咁妳都快啲整啦,唔通等到天氣涼先整咩!

    回覆刪除
  2. 我都係好少食凍嘢, 不過夏天真係熱到好難頂, 都係間唔中食下雪糕
    [版主回覆08/15/2012 19:45:04]係呀,間唔中滋味一次,唔慌會影響健康得去邊啦!

    回覆刪除
  3. 呢個應該好味
    [版主回覆08/15/2012 19:51:52]妳有雪糕機嗎?用雪糕機整就簡單好多囉!

    回覆刪除
  4. 下次整咩味呀...蕃薯呀
    [版主回覆08/15/2012 19:52:45]其實我都想,不過又係驚唔出味!反而有興趣整豆腐雪糕,或者再 encore 抹茶味呀!

    回覆刪除
  5. 正呀!! 焦糖+南瓜都好好味
    [版主回覆08/15/2012 19:55:18]查實呢個雪糕淨係食到焦糖味囉!完全唔係好覺南瓜嘅存在。好彩有加焦糖咋,如果唔係,個雪糕就乜味都無,淨係得個甜字!
    都唔知點解用南瓜整嚫嘢都唔係好出味呢!?

    回覆刪除
  6. 南瓜雪糕加檸檬應該都唔錯。
    [版主回覆08/18/2012 01:13:20]都可以一試呀!

    回覆刪除