2012年9月26日星期三

奶皇月餅

        每年中秋,奶皇月餅都成為搶手貨,酒店出品閒閒哋都幾百蚊一盒,好食嗎?值嗎?真係見人見智喇!

        老友 Louisa 早年跟名師傅學整奶皇月餅,食過佢嘅自家改良月餅,真係無得彈,奶皇餡香濃,且軟而不實,餅皮夠鬆酥又唔會有過重牛油臊味,比起嗰間開賣時要出動到警察嘅酒店出品,好食千萬倍!!唔係淨係我咁講,有試過的朋友都係咁話㗎!

        真係好佩服 Louisa,一個人、一雙手,今年就整咗差唔多六百個月餅,仲接到台灣訂單㖭!既然呢個奶皇月餅咁正,我就問咗佢拎個私房食譜,約埋 Winnie 一齊上去 Ernest 媽咪屋企一齊做阿茂喇!!



Ernnest 媽咪話要拎埋啲道具出嚟影相喎,哈哈!






大家正努力包餡及印模中。







咗幾分鐘後就要先上蛋漿。







焗好之後再掃一層糖膠,之後再入爐焗。
 


 
成品出爐喇!第一次整已經有咁嘅賣相同味道,我哋三個都覺得好滿意喇!






16 則留言:

  1. 緊張大師-小女人2012年9月26日 下午6:46

    你吃後係咪同你朋友所整出來的味道一樣架,真係咁好就要請教一下係那位老師處學的,我都去上課啦,我整餅咁差返下學都唔錯,你講得對,我家個個愛吃奶皇....真係搶手架,但一個人一隻手好掂呀?有點驚訝添可以接訂單,你留個比我食啦.....嘻嘻
    [緊張大師-小女人回覆10/01/2012 19:30:20]我都係無架,講吓講吓咪有囉,明天總是有希望的朋友,誰知明日會如何,對嗎?
    [版主回覆09/30/2012 00:23:33]我連去台灣都無銀兩囉!
    [緊張大師-小女人回覆09/28/2012 21:21:09]好呀好呀,真係架有機會一齊整,我想去台灣學整餅呀,朋友想叫我一齊去英國,但現在她去法國學,但我只能去台灣...皆因無錢去咁遠
    [版主回覆09/28/2012 12:37:21]妳唔好整喇,都幾麻煩,有機會同妳一齊整啦!
    [緊張大師-小女人回覆09/28/2012 08:44:21]咁勁呀,味道一樣.....昨日契女送了我半島酒店奶皇,因我家全都鐘意,但係我無乜信心整啦,都係唔搞好過.
    [版主回覆09/27/2012 01:48:08]係呀,味道一樣,所以特別高興,第一次整就已經算好成績喇!
    邊個師傅?咪後跟妳講吧!

    回覆刪除
  2. 你冇600隻都有60隻啦吓....似乎仲未收爐喎..仲有幾多訂單呀
    [版主回覆09/27/2012 01:46:11]無喇,我得 12 隻喇,仲要有 6 隻送俾老師及親友,自己得番 6 隻喇!!
    無訂單,只係玩玩吧!

    回覆刪除
  3. 好正咁喎~
    今年食佐咁多款月餅中我最鍾意都係奶皇, 可惜食唔到自家製月餅...
    [版主回覆09/28/2012 12:44:45]妳已經食咗好多月餅嗱?咁快手?自己做咩唔整?

    回覆刪除
  4. 咁正嘅譜...我又要呀....please.....Please!!!!!
    [版主回覆09/28/2012 12:43:25]好,問咗 Louisa 之後再 send 俾妳啦!

    回覆刪除
  5. 唔好意思~可分享食譜嗎???
    [版主回覆09/28/2012 12:39:42]我諗唔係咁好喇,因為老友係做生意的,將佢自家食譜公開唔係咁方便呀!真係唔好意思呀!

    回覆刪除
  6. 中秋快樂~~
    D出爐月餅好靚呀, 下年都要去搵名師報名學至得了
    [版主回覆10/01/2012 02:30:57]中秋快樂!
    有興趣的話,不妨報讀,起碼有師傅可以俾妳當面請教呀!

    回覆刪除
  7. 緊張大師-小女人2012年9月30日 下午2:41

    朋友,今日中秋有乜好節目,祝你天天都咁開心日日都咁歡樂.節日愉快
    [版主回覆10/04/2012 12:04:16]妳先生講得啱,其實不知不覺間已經用咗唔少錢㗎喇,始終我哋唔似餅店咁大批大批買材料,唔係批發價,一定貴好多,所以我多數都係跟食譜做一半份量,淺嘗就算,如果送俾人的話,自己就無得食,自己想食的話就唔會做多送禮喇!慳家本色我最叻㗎喇!!
    [緊張大師-小女人回覆10/04/2012 10:17:17]係喎?返工有錢袋喎....其實我老公成日叫我唔好整唔好送比人啦,材料樣樣都係錢....但我又想整家人又唔可以食得咁多,我好想整但整又要買料,現在真係乜都貴呀?
    [版主回覆10/03/2012 19:24:24]但係整餅俾妳睇係無錢收㗎喎!咁揀休息會比較合乎經濟效益呀!!
    [緊張大師-小女人回覆10/03/2012 15:07:09]有得做就有收入啦,好事,但不要太累啦,有空就整餅比我睇啦
    [版主回覆10/02/2012 19:07:39]No ah,呢兩日我都要晨咁早起身出去教琴呀!學生多數鍾意趁放假一早上課,之後就可以靈活運用時間。
    [緊張大師-小女人回覆10/02/2012 08:26:40]我明白因為我都係鐘意一個人既時候也不錯,那是可以朋友吃飽飯相約外出賞月~聊聊天,談談笑,反正第二日不用上班也是不錯,當然你可以坐在家也是舒服的感受,不用外出太嘈了
    [版主回覆10/02/2012 02:07:47]人哋個個都同家人做節或有約,我點會約人呢!
    無所謂啦,反正呢幾年我都習慣獨身,其實我由細到大都唔怕獨處,都幾 enjoy!
    [緊張大師-小女人回覆10/01/2012 11:45:07]咦,點解你唔約朋友外出呀,賞下月都好呀,我都係一家人在家賞用,簡單又省錢的方法,
    [版主回覆10/01/2012 02:28:38]節目咪就係一個人喺屋企獨守空房囉!

    回覆刪除
  8. 個皮可以保持到幾多日都脆呀
    [版主回覆10/02/2012 02:04:40]我都唔係太清楚,因為頭幾盤完全攤到凍哂嘅月餅就送哂俾朋友試食,個個都話夠酥脆,但自己食嗰啲就因為趕時間走而未完全攤到凍哂就入盒拎走,結果全部受潮呀!所以全部食之前我都要再翻焗!

    回覆刪除
  9. 好正正
    [版主回覆10/02/2012 02:05:45]整色整水嘛!

    回覆刪除
  10. Home make moon cake
    Taste good
    God bless
    www.ichan.hk
    [版主回覆10/02/2012 02:08:13]Thank you very much!

    回覆刪除
  11. ..
    [版主回覆10/02/2012 18:58:03]

    回覆刪除
  12. 今年個個都係做呢個,個個都怕食傳統月餅,實在太甜
    [版主回覆10/02/2012 18:57:54]係囉,都唔知點解啲蓮蓉係要整到咁鬼甜,嚇怕人!食蓮蓉包好過,仲健康啲㖭!

    回覆刪除
  13. 靚呀, 不過好多牛油吧, 和傳統月餅的甜不遑多讓.
    [版主回覆10/05/2012 01:56:17]Moon 哥你呢句無錯,真係好多牛油!
    不過比起傳統月餅,甜度大大減少喇!

    回覆刪除
  14. 我都想試下整!
    [版主回覆10/05/2012 01:55:07]有時間咪玩吓囉!

    回覆刪除
  15. 我食過3 間 - 半x, 九x酒店 同奇X....但半X 真係相對比較好味一點。
    不過我次次都係人地請我食, 我就冇買過...
    至於做...haha 我怕我暫時冇心冇力, 所以你地好勁r
    [版主回覆10/16/2012 01:53:10]吓,「半X」 點會好食過「九X」呀!?「半X」真係唔好食,唔係淨係我覺得,身邊朋友都係咁話!
    我哋幾個朋友都係貪得意玩吓咋,有好大進步空間呢!

    回覆刪除
  16. 我焗到烈晒, 嗚嗚嗚嗚...... 請指教焗的步驟, 先噴水??? 溫度?時間? 謝謝
    [版主回覆09/01/2013 23:05:12]其實我哋當時焗咗 4 盤,第一盤無經驗,一樣有裂,我個 friend 話呢個情況叫「象腳」,因為月餅底部裂開時裂紋垂直兼有少許縐紋,好似象腳!
    170 ℃太低喇,起碼都 190 - 200 ℃,如果爐溫偏低時要加到 220 ℃呀!
    我哋無噴水呀!
    [Mabel回覆09/01/2013 21:32:54]對, 你真聰明, 就係烈開兼下蹋, 我用170度12分鐘, 還以為高溫會燶, 烈, 食譜多是先噴水, 200-250度數分鐘, 取出掃蛋, 再轉低些溫度, 對嗎???
    [版主回覆09/01/2013 18:53:46]應該係爐溫唔夠,要用高溫短時間焗至得,若溫度唔夠高,餅皮油脂未及時定形而變得軟身,向下瀉導致裂開;惹長時間焗的話,水份會過度蒸發而變得乾身甚至裂開。
    其實都仲有其他可能性,都要自己慢慢摸索,與及對自己個焗爐要了解,爐溫是否有偏差、火力是否均勻等,都會影響烘焗效果。

    回覆刪除