最近 blog 友緊張大師-小女人喺我個 blog 度搵到個香蕉朱古力蛋糕食譜，佢話個蛋糕超好食，一星期內已經整咗幾次，仲有送俾好友分享。不約而同，Ernest 媽咪咁啱喺言談間又提到呢個蛋糕，我自不然諗到自己都好耐無整過，就趁今晚比較得閒，整番個嚟做飯後甜品先。
用咗疏乎厘盅嚟代替蛋糕模，做出嚟個效果有啲似朱古力布甸。
今次只係做咗食譜嘅一半份量，啱啱好
做到兩個疏乎厘盅大細嘅蛋糕。
睇見蛋糕表面比較乾身 ………
………但裡面就比較濕潤，且香蕉味同朱古力味都非常香濃，
今次仲用咗提子乾代替香蕉粒㖭！
想要食譜的話，睇番《肉桂香蕉朱古力蛋糕》個食譜啦！
香蕉配朱古力，正呀!
回覆刪除[緊張大師-小女人回覆10/08/2012 17:25:28]咁可以減幾多呀,我都唔好食咁多牛油啦,想學你咁瘦DD
[版主回覆10/05/2012 02:24:09]查實噚晚整嗰陣我都想減牛油，因為份量真係相對多，點知食完之後個口真係一 "朕" 臊味！！
[緊張大師-小女人回覆10/04/2012 13:26:53]我今日係整比契女食架???但你呢個食譜係好得囉,連我都做到,勁呀,味又好我唔知點解呢個蛋糕全用牛油我都無有怕,貪吃無計???
[版主回覆10/04/2012 11:59:10]係囉，所以樓上位老友咪幾日內已經整咗幾次囉！嗱嗱嗱，話口未完，今日又整喇！
嘩,早講我又買番提子乾試下,我今日又整啦,用來送比契女食架,但我用白朱古力可以嗎?我成屋都係白朱古力,只用了一包來做生日牌,點知仲有咁多,唔好浪費可以整呢個嗎?但我奇怪你用一半份量只整到二杯,我用的7"模....咁大個蛋糕???
回覆刪除[版主回覆10/10/2012 02:16:23]都係講笑咋，我唔係要講到自己有幾重要！！
咁我等住睇妳個靚靚蛋糕喇！
[緊張大師-小女人回覆10/08/2012 17:24:40]我雖話學整蛋糕,但老師又無講,我上網食譜又真係無人提過,只有你放咁多錢入我袋口,多謝你呀,我大約下星期會整到時比你睇呀
[版主回覆10/06/2012 21:33:14]唔試過點知自己整唔到呢！
嗯，妳未聽過真假力嗎？咁妳真係要多謝我袋錢落妳袋喇！
預祝妳成功整到個靚靚白力 mousse cake！
[緊張大師-小女人回覆10/06/2012 16:43:36]你整個marcaron咁靚就話啫,我未整過又不懂怎整???無信心整呀.明晒假力同真力的分別,我係聽都未聽過.謝謝(道謝係要講架).咁一於整個白朱古力mousse蛋糕啦,
[版主回覆10/05/2012 02:27:37]整 marcaron 啦，用白朱古力嚟整夾心餡，又可以整 mousse。
假力即係用菜油嚟製作朱古力，所以唔駛調溫，真力係含可可脂，所以要調溫。
係呀，真係好飽呢！
[緊張大師-小女人回覆10/04/2012 13:25:31]我唔知當時點解會買啦,現在仲有二大包點算,假力係乜東東?咁睇照片又唔知咁大杯喎,你食晒就一定好飽.你焗得好靚,我焗時好似無咁靚呀
[版主回覆10/04/2012 11:55:42]照道理白力都應該無問題，不過味道應該同黑力好唔同喎！
做乜唔買現成朱古力牌呀，乾手淨腳啦！就算係買朱古力自己整，應該買假力整嘛！唔駛調溫之餘又平啲，不過就真係唔好食囉！
妳咪睇少個疏乎厘盅呀，其實個容量都幾大，我食完碟意粉之後其實都唔係太飽，但食咗約 1/3 件蛋糕之後就即刻覺得有嘢到肚喇，食哂成個之後就有少少滯㖭喇！妳睇番第一張相，其實個蛋糕高出過盅好多㗎，所以絕對唔係想像中咁少份量！
有條小蠻腰添...
回覆刪除[版主回覆10/04/2012 11:47:14]係囉，都唔知點解會咁抵死有條小蠻腰，可能佢阿媽係經典朱古力蛋糕呀！
我又試吓先, 不過用香蕉版
回覆刪除[版主回覆10/04/2012 12:25:30]用香蕉版正啲㗎！
有好嘢食⋯可能會留口水
回覆刪除[版主回覆10/06/2012 00:29:01]嘩，妳講嘢咁高深，我呢個蠢仔點會明呀！！
[BK回覆10/05/2012 10:07:01]你又會錯意啦⋯睇唔到係笑緊隔離個個流口水咩
[版主回覆10/05/2012 02:01:25]使乜可能，妳依家已經流緊啦！
呢個超好味!
回覆刪除[版主回覆10/05/2012 02:00:48]係呀，香蕉同朱古力我都超鍾意！
我整嗰個都係參考你個橙香classic整架
回覆刪除呢個食譜同classic係咪差唔多呀
[版主回覆10/05/2012 02:00:19]我覺得都幾大出入，依個用多好多牛油，唔駛落 cream，又唔駛打蛋白霜，不過同樣用好少麵粉，可能因為咁樣，所以大家都有 "腰"！
點解你可以食極甜品都唔肥嘅 ! ?
回覆刪除[版主回覆10/10/2012 02:06:00]哦，原來妳一直都有關注我嘅！！
[芹菜回覆10/09/2012 17:50:32]你一年都有幾次露面喇 !
[版主回覆10/06/2012 21:24:08]妳又知我唔肥！？