好耐無整無錫排骨，近排心血來潮，突然之間好想食，趁星期五無乜嘢做，就幫自己還心願啦！
唔知點解，我一整無錫排骨，就好自然會整埋上海菜飯！
今次我仲加咗隻指天指落去一齊燜，味道仲正呀！
今次用咗 Winnie 教我嘅方法，喺煲底預先放個竹笪，果然完全無黐底，
京蔥又無燜到燶哂，掂！
人哋會唔會循環再用我就唔知喇，但我就一定唔會囉，
煮完之後索哂豬油，根本無可能洗得番乾淨！！
煮咖喱雞，最好食嘅唔係雞而係薯仔；整薑蔥蟹最好食嘅係薑蔥而唔係蟹；
同樣，呢味無錫排骨最好味嘅唔係排骨，而係墊底嘅京蔥，
索哂啲精華，無得頂呀！
菜飯又易整、又好味，自家製作又可控制
調味料用量，食得更加健康。
想要食譜的話，請參考《無錫排骨》。
竹笪真係唔會黐底?但用一次就掉???啊~好浪費呢?有無其他方法呀?早幾日我同老公就煮菜飯問題大家意見不一,最後都唔知點煮無煮到,我可以用你呢個方法去煮咪得,你係咪用小唐菜最好呀?
回覆刪除[版主回覆08/22/2013 23:27:52]
[緊張大師-小女人回覆08/22/2013 11:21:46]我會比你笑鬼死架
[版主回覆08/14/2013 22:25:39]超，呢個世界得一隻金龜啫咩？何況妳隻金龜又唔係 gay！！
[緊張大師-小女人回覆08/13/2013 17:53:54]件金龜比我吊左啦
[版主回覆08/08/2013 22:11:53]係有就一早有啦，使等到依家咩！妳快啲介紹件金龜俾我好過啦！
[緊張大師-小女人回覆08/08/2013 17:50:30]其實你咁好,你好快有真緣份到的,放心啦,到時唔好唔記得老友,只顧拍拖就得啦
[版主回覆08/08/2013 02:22:58]頂 ~~~~~~~~ 我頂妳就真啦！！！明知我無著落就成日喺我面前曬命，哼！！
[緊張大師-小女人回覆08/06/2013 10:07:03]吓,昨日我地又講緊呢個問題喎,佢話用我方法做一次,唔得就用佢個,笑死呀,兩公婆一個菜飯都可以講足幾日,真係恩愛得無得頂
[版主回覆08/05/2013 19:36:12]預祝成功，"lok" 到妳先生棚牙！
[緊張大師-小女人回覆08/05/2013 14:31:20]知道,多謝你,我一定會試一次睇下先得
[版主回覆08/05/2013 02:00:40]順便提一提妳，如果想正宗的話就用上海米煮啦；如果無的話都可以用珍珠米代替。
[版主回覆08/04/2013 15:20:27]係呀，妳整一次成功之後就威番次俾佢睇！妳可以用部份清雞湯代替水嚟煮飯，煮出嚟嘅菜飯仲好味呀！
[緊張大師-小女人回覆08/03/2013 09:17:51]咪係,等我煮番一次比佢食啦,跟你食譜咪掂.大家出去睇睇,見到才買.好用一定要分享的
[版主回覆08/03/2013 01:16:42]一定有鋼笪，唔係亂噏，我真係見過，只係唔知邊度有得賣！
唔係咁做想點做？可能佢諗住菜同飯一齊煮啦！不過我都試過咁做，但係啲菜煮到黃黃熟熟囉！
[緊張大師-小女人回覆08/01/2013 18:03:26]我試下搵唔搵到 "鋼" 笪啦,如果買到一人一個我都想要,菜飯好方便,我一定要整一次用你既方法,成日同我講唔係咁做無佢符
[版主回覆07/30/2013 18:03:35]係呀，真係完全一啲都唔黐，個煲比之前易洗好多呀！
係㗎，我都覺得好浪費㗎，但係妳諗吓，索 "淋" 哂豬油嘅竹笪點可以洗得乾淨先得㗎，又浪費水、又浪費洗潔精、又浪費時間，反正都係幾蚊雞，豪俾佢好過囉！除非買到個 "鋼" 笪啦！
記得妳都同我咁講過，用小棠菜整係上海傳統做法呀！如果唔鍾意食小棠菜的話，咪改用白菜仔同娃娃菜之類囉！
請問你竹笪在那里買得到呀？thanks！
回覆刪除[版主回覆09/15/2013 02:39:10]唔係我買呀，係朋友幫我買，所以都唔知，sorry！不過我估家品店有售。