秋風起 ……

          秋風起做乜好？食蛇羹？好多年無食過喇；食臘味糯米飯？又好似早咗啲喎，依家都仲算係熱喎！

 

        從中醫學角度去睇，秋天應該開始調理好身體，裝備好自己，準備入冬。夏天嘅時候真係好少煲藥材湯飲，多數都係煲瓜果湯、袪濕湯之類，依家天氣涼咗好多，喺時候 “進補” 一下喇！

 

喺媽咪臨走之前，應承過佢以後要好好照顧自己，
所以哩幾年嚟我都甚少出街食，就算幾攰都好，
都會自己煮飯、煲湯、整麵包，
盡量少食街外嘢！

 

 

 

 

 

 

 

其實我都唔係太懂得運用藥材，都要慢慢學習，呢次就用咗啲
好輕可嘅藥材，蓮子、茨實、淮山同紅棗，加埋雪耳、
姬松茸、猴頭菇同瘦肉一齊煲，超平民化藥膳，
學媽咪話齋，真係太子都唔怕食壞呀！