橘香紅莓英式烤餅

        用埋之前整橘子醋嘅剩餘物資，整咗呢個充滿清新橘香味嘅全麥 scone。

  

 

 

材料：
低筋麵粉    100 克
全麥粉        40 克
泡打粉        1 1/2 茶匙
糖               25 克
鹽               少許
橙皮茸        適量
檸檬皮茸    適量
牛油            50 克
紅莓乾        適量
橙汁            約 45 毫升

- 將粉類、糖、鹽及果皮茸混合均勻。

- 加入原件凍牛油，用手指將牛油捽入粉內成麵包糠狀。

- 拌入紅莓乾，之後喺粉堆中心撥開一個凹位。

- 橙汁逐少倒入凹位內，將周圍嘅粉向內撥入，用刀切拌。

- 當所有材料均勻攪拌後就用手輕輕堆成麵糰。

- 用保鮮紙包住麵糰，壓平至約 1.5 厘米厚。

- 之後用刀切件或用模 cup 出麵糰，放上已鋪牛油紙嘅烤盤上。

- 放入已預熱至 200 ℃ 嘅焗爐內，焗約 15 分鐘即可。

 

不但有橘香味，仲有橙汁味道，非常清新。

 

好鍾意用呢個食譜做成 scone base，因為材料
無用到雞蛋，食齋日都可以享用。

 

 

 

Notes：
- 糖嘅用量可依據橙汁嘅甜度而增減。

- 可用其他乾果代替紅莓乾。

- 用手堆麵糰時必須輕手，不可過份用力，否則烤餅質感就會唔夠鬆。

- 入爐前，可以喺麵糰表面掃上蛋液或牛奶，焗好之後就會變成金黃色。