久違了的 foccacia

        真係好耐無整 foccacia 喇，突然間抽起條筋好想食，即刻預備好哂所有材料，開工！

 

 

材料：
高筋麵粉         250 克
即用酵母         3 克
老麵                50 克
糖                    5 克
鹽                    5 克
水                    約 150 毫升
初榨橄欖油      10 克
黑橄欖             適量
迷迭香             適量
粗粒海鹽         適量

 

- 將麵粉、酵母、老麵、鹽同糖混合好，逐少加水搓至起筋。

 

- 加油搓成麵糰，繼續搓揉及摔打成光滑麵糰。

 

- 將麵糰滾圓，放入已灑粉嘅兜內，用保鮮紙封好，發酵 45 分鐘。

 

- 麵糰排氣後平均分割成 3 份，分別滾圓，靜置鬆弛 15 分鐘。

 

- 將麵糰壓平，然後用擀麵棍擀薄成橢圓形，放上已墊入爐防黏蓆嘅烤盤上。

 

- 蓋上保鮮紙發酵至兩倍大後，於麵糰表面均勻塗上薄薄一層橄欖油。

 

- 用手指喺麵糰表面隨意插出凹位，將切半嘅黑橄欖放入凹位內。

 

- 之後灑上適量迷迭香及海鹽，放入已預熱至 220 ℃ 嘅焗爐內，焗約 12 分鐘。

 

- 出爐後立即移至架上攤凍。

 

以上材料份量可做 20 厘米長麵包 3 個。

 

通常都會用新鮮迷迭香嚟整 foccacia，但因為唔係咁容易

買到新鮮香草，所以我只係用乾燥香草。

 

 

獨特嘅鹹香味道，加上醃製黑橄欖，好有歐陸風味。

 

 

 

 

 

Notes：
- 老麵做法，請參考《發酵老麵 》。

 

- 用初榨橄欖油可以令到麵包味道更加香。