麥芽糖清貨第二擊

        繼續清麥芽糖行動，今日整咗個久未露面嘅燕麥條，對我嚟講，呢個都可謂毫無難度，永無失手之作。但係，人始終都會有老貓燒鬚嘅時候！

 

        正因為久未露面嘅關係，唔唔係好記得整嘅步驟，原本糖應該係同油及麥芽糖一齊煮溶，但就慣咗好似整 muffin 咁乾料有乾料混合，濕料有濕料拌勻，將糖撈埋入燕麥片內，以為無乜事啫。

 

焗好之後脫模，見到個形去實淨，顏色又夠
金黃，好靚仔啦，點知……

 

一落刀切第一下，已經心知不妙，繼續切落去啦，嘩，簡直係
「海燕」蹂躪完之後頹桓敗瓦般嘅災區一樣，我估應該係
無煮溶啲糖，導致整體黏力唔夠所致，真係激死人！
依家唯有用匙羹 “畢” 嚟食囉，唔係點呀！！

 

 

參考食譜：

豆渣燕麥條

 

黑豆燕麥方塊

 

香蕉乾果仁燕麥條

 

杏仁乾果燕麥方塊