簡單快手又一餐

        今日要早啲出門，但又瞓晏咗，所以無時間食第一餐就要即刻出門口。返到屋企已經五點幾，應該係食第二餐嘅時間就變成今日嘅第一餐！！要快快手整個沙律祭五臟廟。

 

秋葵洗乾淨後汆一汆水就攪掂，青瓜同車厘茄洗乾淨就食得，

沙律汁都係用醬油麴，加埋味醂同麻油，再加少少

辣椒粉，全部材料撈勻就可以食喇！加多半個

火龍果同一杯柚子蜜，嘥少少時間去整，

好過喺街食快餐啦！

醬油麴做法可參考《紅麴醬油麴》。