木瓜雪耳果仁湯

        呢期成日同 blog 友謙盈媽媽 “撞餸”，早前大家都不約而同整咗芋頭紫米露，真係撞到應一應！今次又同佢撞木瓜雪耳，不過佢係用嚟煲糖水，我就煲湯。

 

       原本想買埋海底椰一齊煲，點知行勻成個街市都唔見有得賣，平時唔用時就成日見到，到要用時就即刻失哂蹤，買嚫嘢都係咁，早知前幾日喺「佳寶」買開嘢時買包急凍海底椰啦！

 

除咗木瓜同雪耳，仲有無花果、南杏、栗子、腰果同合桃。

好多人煲齋湯都會落果仁，因為不但可以攝取到喺

蔬菜中相對比較少嘅蛋白質同單元不飽和

脂肪酸，仲可以令到個湯香濃啲。

 
 


 

早前老表搭我幫佢買蜜棗時，發覺自己原來已經無用蜜棗

煲湯好一段時間。我自己習慣將一啲有甜味嘅材料

切好後就放入煲內，用清水浸半個鐘以上先

開火煲，等大部份甜味物質都溶於凍水內，

煲出嚟嘅湯真係特別清甜，試過唔

預先浸的話又真係無咁甜呢，

所以唔落蜜棗都無乜影響。

 

喺街市周圍行來行去搵海底椰時，無意中見到有菜檔賣

紅、黃甜椒，$4 一袋，即係 $1 個，真係超平，

唔買都對唔住自己，而且質素都唔差，

幾靚㗎！希望唔係買咗 4 嚿

塑膠返屋企啦！！