免炸吉列南瓜薯餅

        上次整完免炸 fish & chips 之後，用剩咗啲已經撈好油嘅麵包糠，一直放咗係雪櫃，要清埋佢至得！咁啱前幾日又整南瓜薯蓉，不如就試吓整吉列薯餅喇！

 

 

學識呢個方法整吉列食品真係好，唔單只

食得健康，仲唔使浪費食油㖭！

 
 
 
 
 

早前上網睇番Jamie Oliver《大城小廚快煮半粒鐘》，

佢整薯蓉時加埋西蘭花落去一齊壓爛，咁啱早

幾日買咗西蘭花，摘幾棵落去試吓整。

 

 

 

 

 

薯蓉整好之後，最好放入雪櫃雪一段時間，

令到薯蓉可以比較易定形。

 

 
 
 

最近成日見到 Facebook「素食青年」班素友

去食薯餅漢堡，等我都自家製作番個先！

 

 

 

 

 

免炸吉列食品做法，可參考《焗爐版 Fish & Chips》。