AeroPress Coffee Maker

        早幾個月搭巴士時，睇到個節目有位咖啡師教沖咖啡，佢用一個叫做 AeroPress 嘅器具嚟沖，我越睇就越覺得好熟口面，好似 Ernest 媽咪上次送俾我嗰套咖啡套裝，於是返到屋企就即刻要驗證一下，果然真係！！

 

       當初我見到個 coffee maker 時，睇個外形，一直都諗住係一個充滿時尚 design 嘅越南滴漏咖啡壺，因之前有過用越南滴漏咖啡壺嘅經驗，覺得又慢又麻煩，所以就無理到佢，繼續用番濾紙方法去沖套裝內嘅三包咖啡豆。

 

       

但睇完巴士個節目之後，發現原來係兩回事，呢個

AeroPress 係利用壓力去沖咖啡，同其他

沖煮咖啡方法比較，呢個都可以

話係無技術可言！

 

 

 

        上網 search 過資料，原來 AeroPress 係由一位美國 Standford University嘅機械工程系講師所發明，呢個方法沖咖啡唔單只方便簡單又快手，可以話係人都識用，雖然係無技術可言，但好神奇，用佢沖出嚟嘅咖啡絕對唔會酸同苦，試過用唔同嘅咖啡豆同咖啡粉嚟沖，效果都一樣咁好，但如果同一包咖啡粉或豆改用番濾紙滴漏方法，就即刻會有唔同程度嘅酸味同苦味，好明顯，咁即係話我唔夠技術囉，哈哈哈！！ XD

 

 

 

第一件事就梗係將所有 parts 洗乾淨啦，之後就將

專用濾紙略為濕水，等佢可以緊貼個過濾網。

 
 
 
 
 
 

將器具嘅伸縮桿拉到適當刻度，然後倒轉咁

放於枱面上，倒入適量咖啡粉。

 
 
 
 
 

然後注入 80 ℃ 嘅熱水，用攪拌棒一直攪拌約

10 秒鐘，等水同咖啡粉可以均勻混合。

 
 
 
 
 

蓋上過濾網，快手將個器具倒轉置於杯上，按下

伸縮桿，用壓力迫出咖啡液，重點係唔使

過份用力，之後再加適量熱水

沖滿一杯份量即成。

 

攪掂哂之後，扭開個過濾網，將伸縮桿繼續向前推，

張濾紙同咖啡渣就會完全退出，可以清洗器具，

啲咖啡渣曬乾就可以用嚟施肥喇！

        如果大家對 AeroPress 有興趣的話，俾條 link 你哋，click 入去睇吓詳細資料，或者自己走去官方網頁搵資料啦！

http://www.coffeebug.org/aeropress/