2015年4月5日星期日

米粉英式鬆餅 Rice Flour English Muffin

        原來亞洲人同歐美人整 English muffin 嘅方法好唔同,外國人嘅做法簡單隨心好多,將麵糰分割、壓平後直接作第二次發酵,然後放白鑊內烘烤至金黃就攪掂;至於亞洲人,甚至 cook book 食譜都會將麵糰放入圓模內,再壓上金屬盤作第二次發酵,然後入爐焗,做出一個外觀比較四四正正嘅鬆餅。
 
        之前我已經試過入爐焗,今次就玩吓用鑊烘烤先! 
 
 


材料:
高筋麵粉      200
米粉
             50
                10
                 5
即用酵母
     5
橄欖油
          5
                  170 毫升

玉米粉          適量

- 將所有材料混合攪拌成糰,放上已灑粉嘅枱面,繼續搓揉及摔打成光滑麵糰。

- 將麵糰滾圓,放入已灑粉嘅兜內,用保鮮紙封好,發酵約 30 分鐘。

- 麵糰排氣後翻麵,靜置鬆弛 15 分鐘。

- 將麵糰壓平,用擀麵棍擀薄至約 1 厘米厚。

- 用圓模吸出麵糰,然後將底面薄薄沾上一層玉米粉。

- 放上已墊入爐防黏蓆嘅烤盤上,發酵約 30 分鐘至兩倍大。

- 燒熱平底鑊,將麵糰放入白鑊內,用中慢火烘烤至兩面金黃即可,每面約需 5 分鐘。

以上材料份量可做直徑約 8 厘米鬆餅 8 個。
 
 

Youtube 度見到有鬼佬師傅教用
模吸麵糰,我又要試吓。






用白鑊烘烤方便快捷好多,形狀都唔會差得好遠。






夾入西生菜、雞蛋同素黑椒雞扒,再加埋
芥末籽醬,咁就有漢堡食喇!






Notes
-
無米粉的話,可直接用高筋麵粉代替。
 
- 用水量及發酵時間需視乎天氣溫度及濕度作適當調節。
 
- 若果想用模發酵及入爐焗的話,可參閱《提子英式鬆餅》。
 
 
 

6 則留言:

  1. 我都鐘意食咖,但佢地唔太鍾意,可能我整得唔好喇。
    想請問米粉是否粘米粉,另外玉米粉可否有代替品,因我以前買過,因用得少,擺到出"牛"呀,麻煩您!

    回覆刪除
    回覆
    1. 我覺得呢隻包真係未必人人鍾意食呀!

      我自己就係用老友俾我嘅日本麵包用米粉,但我覺得其實用粘米粉都唔係太大問題,之前我用過糯米粉整多士,效果都唔錯,不過要自己留意用水份量。

      至於玉米粉,妳咪用番高筋粉囉,但其實玉米粉都好多用途,可以整麵包、甜品、muffin、意大利人主食 polenta,甚至整 pizza 都多得著,將玉米粉灑上烤盤上,之後先再放上 pizza 麵糰入爐焗,個餅底會脆口啲㗎!

      刪除
  2. 回覆
    1. 靚仔過 M 記就唔敢講喇,不過肯定好食過佢囉,自家製軟熟好多,我覺得 M 記嗰啲比較乾硬。

      刪除
  3. 我中意食哩種鬆餅架!有機會跟你整下先~~

    回覆刪除
    回覆
    1. 其實呢隻鬆餅都幾好食,好軟熟,自己未識整時仲以為個 texture 應該係好似「麥記」咁乾硬呢!

      刪除