睇新聞見到首日喺香港同九龍會展大排長龍拎紀念鈔，真係嚇嚫我，好驚我都要咁輪隊！我被安排今日到大角咀匯豐中心領鈔，因為正正就喺 Charmaine 屋企隔離，所以之前已經約好今朝一早同佢上完堂我先行過去匯豐，但因為早咗成廿分鐘就到達大角咀，又唔敢太早上去佢屋企，於是就決定先行過去視察一下，睇吓條龍長到有幾恐怖！
總站落車後已經見到有匯豐職員企喺中心入口攔途截劫，唔係領鈔嘅應該唔俾入，我問比預約時間早到可唔可以拎，佢哋話可以，再問清楚條龍有幾長，諗住如果真係要排好耐的話都係教完琴先返轉頭再拎，無謂阻住學生時間嘛，點知個職員同我講，查實係唔使排隊！嘩，咁正，即刻拎完走人！！首日啲人就日曬雨淋排幾粒鐘先拎到，我就可以舒舒服服涼住冷氣兼唔使排隊，前後幾分鐘就攪掂。教完琴去搭車時見到多咗好多人，仲有個警察喺度維持秩序㖭，我真係超好彩囉！！
Charmaine
媽咪問我做乜唔賣俾沿途啲 "收賣佬"，我話唔過 $1000 都唔賣，
況且企喺嗰度嘅好多都係講話唔正，睇個樣就知道係內地同胞，我話
賣俾佢哋的話，分分鐘收番張假銀紙都唔知，無錢賺不特止
仲連本都無埋！！嗱，如果你哋收到消息升過千
的話就記得通知小弟喇，哈哈哈哈！！
有冇開，知道什麼號碼嗎
回覆刪除無開呀，因為諗住保持原狀放番出去哦！
刪除其實...收購者都要知張鈔票no, 才出價, 還有, 只要小心地慢慢[mit}是不會[mit]爛的，
回覆刪除再小心封番埋個口，是不會看得出的.
我見到街上啲人直接交收，好似唔見有 check number 喎！到時真係到價會賣先睇都未遲哦。
刪除Kestrel, 你有份抽中呀！So lucky
回覆刪除其實本身我都無諗住抽㗎，不過有次要上網處理戶口時見到佢網頁宣傳，咪順手 click 多幾吓囉，點知又一擊即中喎！
刪除無得睇號碼，好難知道會賣得幾錢喎。
回覆刪除真係要睇 number 嗎？咁我要開封喇！
刪除祝您好運繼續來呀！
回覆刪除小月，承妳貴言呀！
刪除