2016年8月14日星期日

素肉粽

        又玩包粽喇,今次學識咗包三角粽!
 
        包咗幾次之後,發覺真係要買啲靚嘅粽葉同水草先得,唔使包包吓塊葉又裂,漏哂啲料出嚟;到紮粽時條水草又好易斷!!之前因為第一次買無經驗,唔知道唔同價錢有咩分別,用哂手頭上嘅葉同草之後再買時就識喇。水草應該都唔會再買喇,學網友用繩紮好過,實唔會斷!!
 
 
因為買到嘅粽葉比較細同幼身,所以只能包成迷你粽!






今次用料比較傳統,用番開邊綠豆,
不過就放咗素烤鴨代替豬肉。






粽葉唔靚,包到呢咁 hea,得呢幾隻比較似樣咋!!






屋企食粽一向習慣加豉油同糖,所以啲米我落咗好少調味。


6 則留言:

  1. 我都係用白棉繩紮咖,用素燒鴨好味嗎?,我鐘意用五花腩,夠油水,D豆先香咖。

    回覆刪除
    回覆
    1. 係囉,真係一路紮一路鬧,好煩!!

      呢隻素烤鴨好食㗎,我介紹嚫人食都讚呀,如果妳有去過素食店食素乳豬的話,其實就係呢隻囉,放入焗爐焗到表面脆卜卜,都真係好有食乳豬風味!

      我就係怕油嘛,妳都見我成日整好多嘢都減油甚至 "走" 油啦,我由細到大都好抗拒油㗎,只係一小滴油喺手指都好厭惡,即刻洗都洗唔切!!

      刪除
    2. 點解怕油呢,怕肥唔健康?但系有d食物唔加油或者少油出黎嘅味道或效果真系差好遠架啵~

      刪除
    3. 我由細到大都好怕油㗎,只要有一小滴仔油喺手指頭都頂唔順,即刻走入廚房用洗潔精洗手!!

      前幾日學生家長送我一隻朋友自己包嘅粽,裡面有塊好大嘅肥肉,我睇見都驚,即刻掉咗佢唔食,但都無用,食完即刻痾咗兩次,我估可能係豬油溶化滲滿所有糯米!!

      刪除
  2. 包得幾靚呀~~自己包一定啱口味:)

    回覆刪除
    回覆
    1. 哈哈,咪就係得呢三隻見得吓人囉!! ^^"

      刪除